Un fadja nun mumentu di fracasu na nha vida ki leban a kai na kantarola di bu marido. Si nu ben odja é foi grandi oportunista: Ê apruveita di nha fraqueza .
DI KOMBOSA PA KOMBOSA ...
Si bu ka odja mensagem de Dona Filó, bu pode Odja li
Jenny manda siguinti mensagen:
“ Boa tardi Onda Kriolu. Kel li ê mensagi kin manda pa nha ex-kombosa Dona Filó, un ta gostaba pa nhos publical completu na nhos pagina como direito di resposta mas n’ta pidi so pa ka poi nha foto.
MENSAGEM DI JENNY PA DONA FILÓ
“ Un izita txeu antis di dau es resposta, Dona Filo, mas també bu ten ki komprendi ma un ka podi dexau ta kontinua ta ganha fama na nha kusta dipos di mensagi ki bu manda pa publica na Onda Kriolu. Bu fazi mal, Dona Filo, pamodi sima ta fladu assuntu di kuartu ka ta bai sala.
Mas bó ki busca tambe bu t’atxa.
Bu t’atxa, Dona Filo, ma mi Jenny mudjer vacinada y vitaminada un ta recebeba bu marido na nha caza so pamodi bu pol na rua? Bu pensa ma nha caza ê kampu refugiadu?
Bu marido ben pa mi pamodi bu ka dal otu opson. N’ka recebel pamodi mi ê ka restu di ninguén. Mi ê ka restu di ninhun mudjer y mi ê ka sugundu opson pa ninhun homi.
N’ka ten xplicason pan dau, Dona Filo, so un kré flau ma si bu marido kreba mi di verdadi ê ka ta speraba ti ora ki bu pol na rua pa ê djobi kaminhu di nha caza. Mas bu marido ka tevi koragi, Dona Filo. Ê foi kobardu, sempri ta adia, sempri ta da disculpa sen pé sen kabeça pa ka dexau. Si calhar ê sta pensaba ma mi era só un aventura, un brincaderinha ki e podia po na lixu na kualquer mumento. .... Foi bu mensagi ki abrin odju. Bu mensagi mostran ma nos mudjer nu ten ki ten + ruspetu pa nos cabeça. Por isso n’ta agradeceu: Djan jura pa kel + sagradu ma nunca + un ka ta ser “a outra”. Nunka + un ka ta ser kombosa di ninguén.
Dipos, dona Filo, mesmu cuza ki bu marido fazeu un dia també ê ta fazeba mi. Homi ki trai un bes ê ta trai sempri, ê so parcel oportunidade. Y pan flau verdade , Dona Filo, un ka kré ben xinti kel mesmu amargura ki bu sta xinti oxi.
Ê por isso kin mandal bai djobi guarida na otu kau . N’ka sabi nen n’ka mesti sabi si ê volta ou nau ku si falinha mansu pa ninhu di Dona Filó. Sima nos djentis grandi ta fla kenha ki ten besta ka mesti égua. Mas si ê volta recebel, Dona Filo. Nhos 2 nhos ta mereci .
Nhos ta mereci pamodi a-bo Dona Filo, a-bo apezar di tudu bu ar di sinhorinha a-bo també ê ka ninhun santa. Bu ka ten lison di moral pa dan . Bu pon kifri bu pon rabu bu txomam bébada loca varrida mas sima ta fladu macaco ta xinta riba si rabu. So ki kuandu rabu ê mutu grandi sima di Dona Filo ponta sempri ta fika di fora.
Pamodi a-bó Dona Filo.... a-bo ê di muuuuundo !
A-bó ê di tempu Pipilita. Di kel tempu ki ta circulada pa tudu ilha di Santiago na kadera mota tras di migranti ku coperanti . Dipos ben Jeep ku Pajero mas kuandu es kansa y bu kai na lama ovi un so homi ki rabateu : Kel mesmu homi ki semana passadu bu poi na portas da rua.
Na verdadi a-bó era un bes, Dona Filó. Kel ki bu ta da dja bu ká da. Ka bu leban a mal, Dona Filo, pamodi a-mi un ka kré ser ignoranti sima bu foi.
Pamodi sin kreba ser ignoranti sima bu foi un ta pobu a klaru tudu kes kareka ki bu ta tenta sukundi baxu di bu veu di santinha. Ou baxu di pirucas baratu ki bu ta kumpra na Sukupira. Mas nau. N’ kré so pa bu entendi ma si bu maridu salta cérca é talvez pamodi ê ka staba satusfetu ku kumida ki bu sta daba el na caza. ...Bu ten ki pensa, Dona Filo, na undi ki bu fadja . Como mudjer y como espóza.
Mi també un fadja sin, un ten ki reconheci.
Un fadja nun mumentu di fracasu na nha vida ki leban a kai na kantarola di bu marido. Si nu ben odja é foi grandi oportunista: Ê apruveita di nha fraqueza .
Embora kulpa ê ka so di meu ( foi el ki ben djoben , ka foi mi ki korri si trás) embora kulpa ê ka so di meu un ta rapendi amargamenti . So un ka ta pidiu perdon pamodi un sabi ma na bu kurason ka ten espasu pa perdon. Bu kurason sta mutu intupidu ku odio, ku dor y ku rancor. N’ta spera ma un dia bu ta liberta.
Un kré flau també ma nunka un poi di marca na piscoz di bu marido di prupozito so pa bu odja . Si ê flau ê mintira. Foi so un foi acidente. Bu fla també man ganha nha homi ben ganhadu. Nau, Dona Filo, es cazu pa mi nunka ka foi un kompetison, até pamodi sima bu fla prémio nen ka era grandi cuza. Mas si sima dja bu fla bu marido dja ten 4 anu ka ta labanta kulpa tambê podi ser di bo pamodi ku mi ka embora ka foi ninhun maravilha tambe ka foi si ton mau : Foi simplismenti mas ou menus. Mas mesmo si gossi é ka sta “labanta” pa bo kel li e ka motivu pa bu pol di ladu. Lembra ma antis ê ta labantaba. Bo ki kumi bu carne n’ton txupa bu ossu.
Pa oxi N’ka teni + nada pan flau, Dona Filo, mas fika ta spera nha noticia. Un ten un grandi surpreza pa bo.
(ONDA KRIOLU : ki surpreza ê kel li? Será ki Jenny sta grávida?)
COMMENTS