Pa alén di kabesa pikinoti dotor ta fla ma Nely podi ten també algun deformason cerebral ki ta ben dificulta si desenvolvimentu mental.
KI FUTURO PA ES KRIANSAS?
Ninguen ka sabi.
Nen dotor ka sabi kual ê speransa di vida pa es kriansas pamodi ta dipendi di gravidadi y di evolsuon di es duensa ki ka ten kura ki ta txomadu microcefalia y ki trasa distino di pelo menus 14 bebés ki ultimammenti naci na CV ku kabesa pikinoti y otus deformasons pamodi ses mai foi infetadu pa Zika duranti gravidez ( Un di es 14 bebés naci mortu)
Nely ( nome ê falsu pa prutegi si identidade) Nely ê un di kes criansas ki naci na hospital di Praia ku sintomas klaru di es terrivel duensa. Praticamenti ê si dona ki ta krial pamodi si mai inda ê adolescente. Semana pasada es recebi vizita di Roberta Rezende ki ê coordenadora di un prujetu di Caritas di Estados Unidos pa kombati Zika na Cabo Verde.... Y foi di es forma ki es senhora ki ta fazi parti di un organizason ki dja kombati Ebola na costa d’Africa fika ta konxi drama di es familia na tenta kria un bebé ki ta mesti txeu atenson familiar y acompanhamentu médico.
Nely naci ku txeu komplicason di saude. Pa alén di konvulson kuazi constanti ê ka ta movi y ê ta permaneci horas y horas ku odja abertu.
Modi ki es kriansa ta kria? Kantu tempu ki ê ta vive? Algun dia ê ta ser capaz di anda sima tudu kriansa? E ta ben konsigui papia y ten un vida normal? Familia kré respostas mas medicos ka podi respondi pamodi inda falta txeu pa sabi sobre es duensa.
Pa alén di kabesa pikinoti dotor ta fla ma Nely podi ten també algun deformason cerebral ki ta ben dificulta si desenvolvimentu mental. Pa reduzi es atrazu mental y estimula si crescimento es kriansa ta mesteba pelo menus di 3 seson di fonoaudiologia por semana pa estimula fala y di txeu terapia ocupacional, tratamentos ki infelizmenti inda Cabo Verde ka ten kondisons di forneci ku eficácia.
Para já maioria di es “bebé Zika” ten mececidu acompanhamento médico y familias ten recebidu algun apoio psicologico, mas ê poku, mutu poku pa es kriansas ki naci marcadus pa distino y ki stranhamenti kuazi ninguen ka sta papia des.
També ka sabedu kantu + ê ki sta pa naci, mas na final di mes di Junho na CV tinha 140 gravidas na risku di ben ten bebé ku es duensa pamodi es foi infetadu ku virus di Zika duranti ses primeru 3 mes di gravidez. fonte:ok
Ninguen ka sabi.
Nen dotor ka sabi kual ê speransa di vida pa es kriansas pamodi ta dipendi di gravidadi y di evolsuon di es duensa ki ka ten kura ki ta txomadu microcefalia y ki trasa distino di pelo menus 14 bebés ki ultimammenti naci na CV ku kabesa pikinoti y otus deformasons pamodi ses mai foi infetadu pa Zika duranti gravidez ( Un di es 14 bebés naci mortu)
Nely ( nome ê falsu pa prutegi si identidade) Nely ê un di kes criansas ki naci na hospital di Praia ku sintomas klaru di es terrivel duensa. Praticamenti ê si dona ki ta krial pamodi si mai inda ê adolescente. Semana pasada es recebi vizita di Roberta Rezende ki ê coordenadora di un prujetu di Caritas di Estados Unidos pa kombati Zika na Cabo Verde.... Y foi di es forma ki es senhora ki ta fazi parti di un organizason ki dja kombati Ebola na costa d’Africa fika ta konxi drama di es familia na tenta kria un bebé ki ta mesti txeu atenson familiar y acompanhamentu médico.
Nely naci ku txeu komplicason di saude. Pa alén di konvulson kuazi constanti ê ka ta movi y ê ta permaneci horas y horas ku odja abertu.
Modi ki es kriansa ta kria? Kantu tempu ki ê ta vive? Algun dia ê ta ser capaz di anda sima tudu kriansa? E ta ben konsigui papia y ten un vida normal? Familia kré respostas mas medicos ka podi respondi pamodi inda falta txeu pa sabi sobre es duensa.
Pa alén di kabesa pikinoti dotor ta fla ma Nely podi ten també algun deformason cerebral ki ta ben dificulta si desenvolvimentu mental. Pa reduzi es atrazu mental y estimula si crescimento es kriansa ta mesteba pelo menus di 3 seson di fonoaudiologia por semana pa estimula fala y di txeu terapia ocupacional, tratamentos ki infelizmenti inda Cabo Verde ka ten kondisons di forneci ku eficácia.
Para já maioria di es “bebé Zika” ten mececidu acompanhamento médico y familias ten recebidu algun apoio psicologico, mas ê poku, mutu poku pa es kriansas ki naci marcadus pa distino y ki stranhamenti kuazi ninguen ka sta papia des.
També ka sabedu kantu + ê ki sta pa naci, mas na final di mes di Junho na CV tinha 140 gravidas na risku di ben ten bebé ku es duensa pamodi es foi infetadu ku virus di Zika duranti ses primeru 3 mes di gravidez. fonte:ok
COMMENTS