Studante Cabo-verdiana ki atxadu morta na Brazil supostamenti dexa un karta di dispidida

Responsavel pa investigason fla ma detalhes di es cazu ka sta divulgadu pa ka komprumeti “andamento das apurações”

SUICIDIO OU HOMICIDIO?
Kel li ê pergunta ki detetives di Divisăo de Homicidio di Delegacia Metropolitana di Eusébio, na Forlazela, debi sta fazi nes mumento ( ou nau).
Vania Sofia Fernandes atxadu morta es kuarta-fera di tarde ku marka di un tiro na cabesa dentu di carro di si namorado ki ê un policia militar brazileru. Responsavel pa investigason fla ma detalhes di es cazu ka sta divulgadu pa ka komprumeti “andamento das apurações” mas mesmu si e informa ma Vania dexa un karta di dispidida ki ta indica ma foi suicidio.
Di acordo ku delegacia policial Vania pega na arma ki staba na porta-luvas y ê da un tiro na si propi cabesa. Namorado di Vania també dja foi interrogadu y segundo policia ê “fazi kiston di ser submetido a exame residuográfico pa deteta si ê tinha ou nau na mon algun residuo moda polvora ki ta prova ma ê uza arma di fogo” (embora si e uza luvas na si mo ka ta fika residuos).

DUVIDAS...
Segundo policia brazilero primeru linha di investigason sta indica ma foi suicidio mas na verdade cazu ka sta mutu klaru. Un tia di Vania ki ta mora na Brazil (Dulce Cardoso) fla ma Vania nunca ka tevi komportamentu suicida nem “psicose depresiva” sima policia sta kré fla. Pelo kontrario, Vania ta amaba vida y ê ta staba sempri ta fazi planos pa futuro ( E kreba ser kumisaria di bordo).
Karta ki alegadamenti Vania screbi antis di si morte tambe sta dexa txeu duvidas. Di acordu ku es si tia Vania ta screbeba na portuguez di Portugal y non sima karta sta scritu na portuguez di Brazil.

Pa familia y alguns colegas di Vania es cazu li so podi ser homicidio, un hipotese ki policia brazileru sta kada ves ta kre poi di ladu. Namorado di Vania é també pa policia kada vez – suspeito, embora ê di “conhecimento publico” si relason konturbadu ku es studante natural di Săo Domingos ki es ta namoraba dja ten uns 4 mes.

Corpo di Vania inda sta na Pericia Forense de Ceará pa autópzia. Familia kre enterral na Cabo Verde mas translada corpo ta kusta cerca di 250 kontu. Ê por isso ki na rede social familiares sta pidi ajuda. fonte:ok