Wilson fla ma “trabadja pedra” ê prendel ku mestris, ma ê prendel ku nos kalceterus na Cabo Verde
Ki ta interesa ê modi ki bu fazel : Ku amor, ku dedicason y principalmeti ku kel orgulho di aprezenta un trabadju ben fetu.
Orgulho y dedicason ê cuza ki ta ta falta Wilson Almeida, es joven artista/kalceteru cabo-verdiano ki bu sta odja na foto ki sta enbeleza ruas di cidade di Lausana, na Suiça, ku si “poesia” scritu ku pedra.
Si trabadju ten merecidu ruspetu y atenson tantu di pessoas ki ta pára na rua pa admira si obra como di profisionais di ramu ki ta pidil pa ê transmiti si experiencia ( ti pa jornal di Suiça dja ê foi entrevistadu).
Wilson fla ma “trabadja pedra” ê prendel ku mestris, ma ê prendel ku nos kalceterus na Cabo Verde ki ta molda “paralelu” pa poi na strada ( stradas ki infelizmenti na si opinion sta ser tudu alcatruadus, alcatron ki ten un vida mutu + kurtu di ki pedra).
Y ê es arti ki ê prendi ku + grandi na Cabo Verde ki hoje ê si “ganha pon” (sima aliaz milhares di otu imigrantis cabo-verdianos na Europa ki ta trabadja na konstruson komu pedreru, carpinteru, etc)
Mas atenson :
Wilson ka ta so limita a poi pedra na txon: Tambe ê ta “ornamenta” ruas y calsadas y pa kel li ê ten ki cinzela pedras y tra medida izatu pa ki rezultadu ben ser perfeito y agradavel di odja ku odju...Y ê di es forma ki di si mon ta sai verdaderus obra di arti.
Y ê nes pontu ki nu krê txiga a essencial :
Essencial ê ka ser poeta, muzico, artista, dotor, enginheru ou arquitetu.
Essencial ê ki kada un di nos nu dignifica y nu ten orgulho na nos trabadju.
Dentu di escala di natureza ka ten ninhun trabadju ben fetu ki bali + di ki otu. Tudu ê igual. Nos tudu nu ten dentu di nos kel forsa capaz di kria y ku nos trabadju nos tudu nu podi da un kontributu valiozu pa prugresu di humanidadi.
Ka interesa si nu sta fazi un prédio ou un barraka. Ka interesa si nu sta simia midju ou si nu sta simia ideias.
Ka interesa si bo ê kultu ou iletradu....
Ki ta interesa ê sabi ma ê so ku un trabadju ben fetu ki bu ta supera, ki bu ta xinti rializadu, ki bu ta odja ma bo també ê un elemento util di prugresu nes batalha pa futuro.
Ninguén.
Ninguén ka ten direito di ten burgonha di si trabadju desdi ki ê sta fazel ku paixon y ku entuziasmu. Sima Wilson Almeida ta fazi di sel ku si martelu y ku si formon. fonte:ok
Kantu “like” ki ê mereci?
COMMENTS