Boavista: Turista agredidu durante 2 hora na si quarto de Hotel - ”Bandidos kre kortaba nha dedo”

Cabo Verde: Kel ki era pa ser um féria tranquilo, kaba na um drama. Turista Jan Gerard foi roubado e agredido durante mas de 2 hora na quarto de si hotel na ilha de Boavista, Cabo verde.

Noticia divulgado na telivison de Holanda, na telejornal de note ”Hart van Nederland”.

Holandês Jan Gerard van der Wal, konta modi ki ontonti é passa na ilha de Boavista, undi ki é staba ta passa féria. É fla ma kantu é staba ta durmi, é corda ku barudju e é odja 2 homi riba del. É komesa na luta ku homis, mas es konsigui pegal. É fla ma bandidos tinha na mô um maxim ku faca grande, e es komesa na pidil dinheru.

Sô ki kenha ki tinha dinheru era fidju de Jean Gerard ki staba hospedado na um outru quarto de hotel. E komu bandidos ka ta intendi ingles, foi dificil pa Jean Gerard konsigui explikas ma é ka tinha nada ku el, e lâ kusas complika.

”Bandidos Kre Kortaba Nha Dedo”
Es turista fla ma es pol pano dentru boca e es maral odju, e es tenta cortal um dedo.

Dipos de 2 hora de agreson, bandidos bai ses caminhu, es leba tudu ki es konsigui panha, inclusive es leba telivison de hotel e es leba maleta de Jan Gerard. Bandidos dexa es turista pa tras ku sangue ta baza.

Ku pé e ku mô marradu, Jan Gerard fla ma é bua janela de se quarto e é bai pidi socorro na pessoas ki staba na um otru quarto de kel hotel.

Turista fla ma é ka sta xinti mas seguro e por isso hoji el ku si fidju es sta volta pa Holanda. É fla: ”n xinti ma n odja morte nha frente, medo ki n teni ka ta da xplika”. fonte:dypk