França: Kriansa de origen Caboverdiana morre dipos ki é atropelado riba passadera

Adelcia de 8 anu, perdi vida dipos ki é atropeladu pa um carro na cidade de Annemasse, na França. Atropelamento kontisi tersa fera ki pasa, dia 11 de Otubru, na Avenida Maréchal Leclerc.

Kantu Adelcia sai de skola, é sta voltaba pa kaza, é bai salta strada na passadera (na faixa de pedestres), um carro para pa dexal pasa, lá ki um otru carro ben na forsa e sem para é bai da na Adelcia. Ku violensia ki carro da nel, kriansa foi projetadu e é bai cai alguns metros de distansia de local de acidente. Testemunhas ki staba presente, bai panha Kriansa, komu é ka sta respiraba es fazel massage cardiaku.

Devidu estado grave ki é fika, Adélcia lebadu ku urgencia na Helicóptero de segurança cilvil pa Hospital Universitário de Genèva, ki ta fika na Suiça. Si mae Eunice Martins kumpanhal na Helicóptero.

Desde tersa fera, Adelcia fika na hospital de Suiça em estado kritiku, ligadu na aparelho respiratório. Mas infelizmente es minininha de apenas 8 anu de idade, ka konsigui resisti ferimentu, e é morre onti sexta fera.

”Nu sta tudu chocado ku es drama, nhas pesámes pa familia enlutado” Si ki Christian Dupessey, ki é Presidente de Cambra de cidade de Annemasse reage. Inda é fla ma es deve reforsa medidas de seguransa e ma es deve pidi Policia Nacional pa ser mas duru ku pessoas ki ka ta ruspeta regras de strada.

Investigason de policia, revela ma kondutor ki atropela Adélcia, staba ta konduzi ku tantu força, ki só é konsigui para carro kantu dje staba txeu metro de distansia de local de acidente.

Kondutor, um homi de 34 anu, fazedu teste de alcool e de droga, e da negativu. Dipos de morte de kriansa kondutor foi akuzado de lezon involuntário, excesso de velosidade e de ka ruspeta prioridade de pedrestes na passadera.

Li nu ta dexa nos sincero pesâmes, pa familias des criança ki perdi vida pamodi falta de cuidado na strada por parte de um adulto. fonte:dypk