n’ben odja man dexa di amal i fazi sexo kol torna pa mi un verdaderu kalvário
“ Ola Onda Kriolu.
Sta 3 hora di parmanhan di es tersa-fera 04 di Outubro i ti inda n’ka durmi, sono ka ta ben...Un passa dia interu ta txora laguas ki ka ta kaba... N’sta screbi pan odja si dor ta passa pamodi amor alves ta ponu ta kumeti erros ki nu ta ben rapendi...
Ami ê un mudjer di 42 anos mai di 2 fidjus ki dja sta grandi. N’ben pa Merka ku 17 anos, n’passa mizeria ku nha madrasta ki sempri fazen xinti ma n’staba a mais dentu ses caza.
Dipos n’ben konxi nha marido, un homem mutu mais bedju di ki mi mas era bai k’ol ou kontinua ta ser maltratada psicologicamenti pa nha madrasta dentu di caza di nha pai.
Ku tempu n’ben prendi ama nha marido y nu vivi mumentos realmenti feliz, mas dipos n’ben odja man dexa di amal i fazi sexo kol torna pa mi un verdaderu kalvário ki n’ka ta podi kumenta ku ninguen pa n’ka ser mal interpretada.
Até ki n’ben konxi un alguen ki ben da un novo sentido na nha vida, ki ben fazen odja ma ka bali pena ten un bon situason financeiro i ser infeliz na vida.... Es alguén ben enxinan ma vida ten ki disfrutadu no maximo i ma nu ten ki vivi novas experiencias.... Nha fidjos i nha familia nunka ka ta aceita es relason.... es kré pan ser sima es kré, i non sima min é...
Mi ku es pessoa nu kumesa ta sai i ta fazi prujetus pa hora ki nu bai vivi djuntu, prujetus pa futuro....
Un acredita na kada palavra ki ê flan, un larga nha marido pan ben vivi kel grandi storia di amor pa na fin é ben flan ma ê gosta tcheu di mi mas ma ê ten otu mudjer na si vida, un kantora ki é figura publica na Merka i na Cabo Verde i ma ê ka ta deta si carrera na lixo pa un aventura..... Es alguen figura publica ê un mudjer egocentrica i interesera ki ta pensa so na si cabesa, ki ka ta pensa na sufrimentu di otu alguén...
Un sta fazi es dizabafu pamodi dipos di nu sta djuntu un ano i meio goci es alguén ka sta atendi nha xamada i nen respondi nhas mensagi.... Caza kin renda pa nu bai mora dja ê squeci na undi ki fika ...
Y a-gó? Kuzé ki n’ta fazi pa alén di tchora?
Un ta agradeci tudu konsedju”
(NOTA DI EDITOR: Na mensagen ki ê screbi es kriola ta fla nomi di tudu intervenientes nes “triangulo amorozu”, incluindo nome di es kantora ki ê konxidu na kumunidadi. Por un kiston di etica OK omite nomes). fonte;ok
COMMENTS