Fogo: Joven sta acuza pruteson civil di “rouba donativos” pa leba pa Praia…

Donativos staba segundo Montrond na 5 kontentores (4 grandi y un pequeno) ki Pruteção Civil sta “desova” pa manda pa Praia.

Fogo/ Chã das Caldeiras

Ê Miguel Montrond, reprezentanti di populason di Tchan na kel Kumison Inter-minesterial kriadu pa apoia deslocados di erupson di 2014.
Ku fotos komu prova Montrond fla na facebook ma Pruteção Civil sta alegadamente ta rouba donativos sem que “ninguém do governo se posiciona: nem o governo, nem as camâras, estamos a espera.”

Donativos staba segundo Montrond na 5 kontentores (4 grandi y un pequeno) ki Pruteção Civil sta “desova” pa manda pa Praia.
Parti di es material ê kel donativo ki Angola da pa ilha do Fogo moda geradores, tendas, konxon, manta, kontentor pa agua, etc.

Montrond ta fla ma es donativo ta pertenci “por direito” a populason di Tchan embora Pruteson Civil ta alega ma parti di es material ta pertencez pamodi ê lebadu di Praia pa Fogo na altura di erupson ( Montrond ta pidi pa es aprezenta prova pamodi nunka ê ka odja Pruteson Civil ta diskarrega material ki txiga di Praia).

Na si denuncia na facebook es joven foguensi inda ta fla ma ê bai ‘estaleiro” pa tenta impidi avansu di kamions pa Vale dos Cavaleiros ma policia amiasa prendel si ê kontinuaba frenti di kamion. Ê també por isu ki ê ta pidi pa autoridades toma midida antes ki situason se “torne um caos”.

Y ê ta dexa es avizu y es pedidu:
"Agora pedimos ao Governo que se posicione e porque prometo esclarecer tudo e divulgar todo o dinheiro gasto, e como foram gastados. Prometo partilhar todos os documentos caso o executivo recuar e prometo denunciar todos os actos ilegais cometidos desde a erupção vulcânica". fonte:ok