Cabo Verde recebi mais un militante di Al-Qaida ki staba prezu na Guantanamo

Estados Unidos koordena ku governo di Cabo Verde pa ki trasferencia fazedu di acordu ku medidas di seguransa y tratamentu humanitario.

Ê YEMENITA SHAWQI AWARD BALZUHAIR…
E staba prezu desdi Outubro di 2002 na prizon di Guantanamo (Cuba) undi Merka ta “guarda” strangerus acuzadus di “atenta” kontra seguransa di Estados Unidos.
Di acordu ku un noticia di Departamento di Estado di Difeza Norte Americano ki sai es dia domingo y ki bu podi odja na kumentario Shawqi Awad Balzuhair, 35 ano, foi transferidu pa Cabo Verde pa “realojamento”.

Balzuhair, nascidu na Yemen, ê un ex-operacional di grupo terrorista Al-Qaida ki foi prezu na 2002 na cidade di Karachi, na Paquistăo, acuzadu di planifika ataques kontra alvos merkanus na Pakistăo y possivelmenti dentu di Merka.

Ê foi prezu duranti un troka di tiros entre un grupo di Al-Qaida y militares Pakistanezis y na caza undi es staba foi enkontradu na altura un laptop ku dados y informasons ki podia ser uzadu pa abati y sequestra avions. Un si kolega ben fla dipos ma es yemenita tinha intenson di “torna martir” y di ataka un hotel na Karachi. Balzuhair possivelmenti també luta kontra tropas merkanus y forsas di koligason na batalha di Bagram. Ê passa 14 anos y 1 mes na cadeia di Guantanamo sen “acuzason formal” antis di ê ser “libertadu” y fransferidu pa Cabo Verde, paiz ki na 2010 dja tinha recebidu un otu prezu di Guantanamo.

Governo merkanu ta fla ma Balzuhair dexa di ser un amiasa pa Estados Unidos y por isu es rezolvi libertal mas pamodi guerra civil ki sta na Yemen es ka “rapatrial” pa si terra ( es “negocia” ku Cabo Verde pa recebel)

Departamento di Estado Norte Americano ta agradeci governo di Cabo Verde pa es “gesto humanitario” y pa si “disponililidadi di participa na esforsu pa encerra cadeia di Guantanamo” undi inda sta 59 prezus suspeitos di terrorismo. fonte:ok