Maleta “suspeitu“ ki embarka “sen dono” na Sal gera panico na aeroporto di Tenerife
KENHA KI Ê DONO PA MANDA BUSKA...
Pamodi kompanhia di aviason fla ma es ka sabi kenha ki ê dono .
So es informa ma autoridades sta tenta identifica “es responsavel” ki autoriza embarque di es maleta sen si donu na aeroporto de origem, ou seja, na Aeroporto Internacional Amilcar Cabral, na Sal.
Kontiúdu di maleta també ka reveladu. So sabedu ma ê staba sen dono y por isu ê cauza panico na aeroporto Reina Sofia, na Tenerife Sul, na noite di kuarta pa kinta-fera.
Era un voo Sal/Londres di Thomas Kook Airlines( foto)
Avion (un Airbus A321) tevi ki aterra na Tenerife y ê foi imeditamenti rodiadu pa forsas di seguransa y pa katxor rastriadoris. Tudu passagerus foi evacuadu y avion lebadu pa zona di bomberus undi ê foi rabistadu longi di vista di curiozus ki kreba sabi kuzé ki sta passaba.
Finalmenti maleta tradu di avion y voo txiga Londres la pa madrugada di es kinta-fera ku 5 hora di atrazu. Passageros mostra ses indignason na rede social pamodi duranti paragen criansas ka dadu kumida y adultos ka dadu ninhun aperitivo..... Tambe por algun motivo es liga es maleta “suspeitoza” ku chegada a Cabo Verde di Shauqi Awad Balzuhair. kel prezu di Guantanamo ki passa 14 ano na cadeia suspeitu di terrorismo. fonte:ok
Pamodi kompanhia di aviason fla ma es ka sabi kenha ki ê dono .
So es informa ma autoridades sta tenta identifica “es responsavel” ki autoriza embarque di es maleta sen si donu na aeroporto de origem, ou seja, na Aeroporto Internacional Amilcar Cabral, na Sal.
Kontiúdu di maleta també ka reveladu. So sabedu ma ê staba sen dono y por isu ê cauza panico na aeroporto Reina Sofia, na Tenerife Sul, na noite di kuarta pa kinta-fera.
Era un voo Sal/Londres di Thomas Kook Airlines( foto)
Avion (un Airbus A321) tevi ki aterra na Tenerife y ê foi imeditamenti rodiadu pa forsas di seguransa y pa katxor rastriadoris. Tudu passagerus foi evacuadu y avion lebadu pa zona di bomberus undi ê foi rabistadu longi di vista di curiozus ki kreba sabi kuzé ki sta passaba.
Finalmenti maleta tradu di avion y voo txiga Londres la pa madrugada di es kinta-fera ku 5 hora di atrazu. Passageros mostra ses indignason na rede social pamodi duranti paragen criansas ka dadu kumida y adultos ka dadu ninhun aperitivo..... Tambe por algun motivo es liga es maleta “suspeitoza” ku chegada a Cabo Verde di Shauqi Awad Balzuhair. kel prezu di Guantanamo ki passa 14 ano na cadeia suspeitu di terrorismo. fonte:ok
COMMENTS