USA: Kriolu na merka acuzadu di xantagem y violason di studante

Ê sempri un prigu manda fotos intimos pa pessoas stranhu

Ê Kevin Fortes , rezidente na Brockton.
Ê sta ser acuzadu di uza chantagen pa viola un studante universitaria ki antes di konxel pessoalmente mandal fotos nua.

Kevin (na foto) foi aprezentadu na Tribunal Distrital di Brockton es segunda-fera y pa e sai en liberdade juiz fixal un fiansa di 5 mil dolar.
Di acordu ku policia Ketin conxi minina nun site di encontros na veron pasadu. Menina, ki ê studante na Bridgewater State University, minina mandal “nudes” y Kevin amiasa publica fotos na internet si minina ka dal kuzé ki é kreba (sexo).

Minina ta fla ma es tevi sexo 2 bes, sempri na si kuartu di universidade. Ê ta fla inda ma tudo 2 bes sexo foi extremamenti “rude” y ma ê pidi Kevin kantu bes pa pára mas ma ê ka pára.

Kevin, 21 ano, ê tambe studante nun colegio kumunitario na Brockton (Massasoit Community College ) y ê ta vivi ku si familia. Ê debi aprezenta otu bes na Tribunal na dia 04 di Janeru. Para já pa e libertadu e fixadu un fiansa di 5 mil dolar. També ê dadu ordi di fika longi di es menina pa alên fika ta uza GPS pa monitora y rastreia si movimentos.

Mas indipendentimenti di ê ser kulpadu ou nau es cazu ta labanta un otu kiston:
-Pamodi ki un pessoa ta manda fotos nu ou fotos intimos pa pessoa ki nen ê ka konxi sabendo ma kenha ki ê amigo hoje manhan podi inimigo?

Na pasadu Onda Kriolu publica alguns cazus di kriolas ki ta fla ma ses ex-namorados ou kumpanheru sta kreba uzaba fotos intimos ki es traba djuntu pa obrigaz a ten relason sexual.
Na mundo ten cazus até di pessoas ki dja suicida pamodi es fotos. Otus ta fika ta vivi amiasadu vida interu, principalmenti mudjer ( ten tambê cazu di homi homosexual ki ta amiasa kel otu , mas ê + poku).

Enton pamodi ki ta mandadu es fotos sabendo ma es podi gera grandi trastornu na vida di un pessoa?
Exibicionismo?
Vontadi di valoriza corpo?
So psicanalista ki podi respondi... fonte:ok