Jovens sta bendi padjinha komu úniku meiu di sustentu...

cocaína, padjinha é di kes droga ki más tá consumidu na Cabo Verde.

Hora ki tá faladu na droga, tendênsia é odja sempri pá kenha ki tá consumi, claru ki é normal pensa na usárius de padjinha dja ki tá trata de um substânsia ki tá altera stadu normal di alguém. Más pá otu ladu tem kes alguém ki tá bendi droga y razon ki tá lebas a és prática dja ki é consideradu um atividadi di risku ki podi trás ses liberdadi, metes na cadia.

Na conbersa ku alguns alguém ki tá costuma bendi droga, també faladu di kes ki tá bendi padjinha dja ki djuntu ku cocaína, padjinha é di kes droga ki más tá consumidu na país.

Monti di kes bendedor di padjinha flá ma tem txeu procura e saída dês substânsia. És fla inda ma és tipo di vida ka tá garantis um trabadju fixu, txeu bês és tá larga pá um tempu más és tá caba pá volta.
Um di kes motivus ki tá poi és jovem nês tipo de vida é necessidadi, pobreza e falta di trabadju, és fla ma bendi padjinha é úniku manera kes atxa de ganha dinheiro pés sustenta ses cabeça.É ses úniko manera de ganha algum dinheru pés sobrivivi, um otu jovem flá me dje tinha txeu tempo sem trabadja y é xinti obrigadu a comesa bendi padjinha más me ka um vida estável pmd mês tá ganha rêi de poku ku kela más ma tá dá pá desarasca dia. Cada tacu de padjinha tá custa 50 $00, ses consigui bendi 10 tá dá um total de 500$00 pá dia y é razon pá txeu dês fica satisfeitu y és  flá ma nem tudo ki tá bendi ka tem mesmus necessidadi y stória de vida más é o ki txeu dês tem fetu.

Falta de trabadju y necessidadi de sustenta família é de kês motivus ki tá poi kes jovens li entra nês prátika ilícito, mesmu ku riscu dês bai pá cadia, txeu dês tem consiênsia de risku kês tá corri y di ilegalidadi dês atu, mas és fla mês ka tá deseja ser presu pamodi és tá tenta fazi algum cuza pés sobrivivi dja kes tem stadu txeu tempu tá djobi trabadju és ka tá atxa y ma mesmu ki ka é midjor soluson é úniku manera di sustentu kes tem, más mês ka tá consedja ninguém entra na kel vida lá.

f:Notícias do Norte/ DYPK