"Nta atcha ma debi ser adotado Pena de Morte na Cabo Verde..."

N ta atcha ma nos juventude meste um atenção especial, acompanhamento mas de perto e orientaçon de pessoas capacitado, nha sugerencia é Trabadju Social ku Equipas Multidisciplinario

"Nos sociedade Caboverdiana de hoje é um sociedade ku tcheu problemas, principalmente insegurança e alto indice de criminalidade que sa bai em aumento acelarado ano a ano e kela é priocupante.

Espicificamente falando de crimes se bai mas dentu de es tema nu ta da conta ma maioria de autores de crimes é jovem, kela é preocupante també, e se nu bai na cadeia de S. Martinho maioria de presos é joven e óbitos maioria é de jovens, qual será futuro de nos pais se jovens sa ta morri e sa bai preso em um grande quantidade?

N ta atcha ma nos juventude meste um atenção especial, acompanhamento mas de perto e orientaçon de pessoas capacitado, nha sugerencia é Trabadju Social ku Equipas Multidisciplinario que debi inclui Trabadjadores Sociais, Psicologos, Sociologos… etc pa nos sociedade e educaçon meste midjora, jovens meste mas oportunidade de forma e tem um professon ( n ka sa fala só de curso superior pamodi um pais ka podi ser formado so por medicos e enginheiros…) e mas oportunidade de trabadju, e páis tem um papel importantissimo nes luta, es debi acompanha ses fidjus mas de perto e quebra kel barrera e começa ta conversa mesmo… Mas tudo antes falado por si só de pocu ta sirbi se nos legislação ka sufre alteraçon visto que nos problemas sociais dja sta num fase avançado… n ta atcha ma debi ser adotado Pena de Morte e Condena Perpetua pa delitos maiores (tipo contrabando, trafico de drogas, violencia sexual, etc) e Trabadju Forçado pa parte de condenados pa delitos menores…

Ka tem metodo mau o bom pa kaba ku violencia e delinquencia, qualquer metodo é valido pa um pais educado, prospero e seguro… Crime organizado ka debi tem mas força que governo.

Sabendo que pa correcta aplicaçon de lei tem que criado condições, nton nos Policias e Militares debi sta a altura e trabadja em armonia cu um mesmo objectivo, es debi ser bem formado, na recrutamento debi ser bem selecionado na undi es debi passa pa testes não só fisico mas també intelectual e psicologico, e justiça debi ser severo pa es també na casos de abusos de autoridade, corupson na Policia e na Exército quando tem provas solidas que ta envolves.. prestação de serviço militar debi ser profissionalizado e recrutamento ka debi ser todo ano visto que nos pais ka ta participa na guerra…

Governo ka debi permite que delinquencia toma conta de Cabo Verde, se toma medidas que sta referido nes texto na um espaço de 4 meses nu ta odja resultados siguinificativo pamodi Cabo Verde é um pais piquinote e sem fronteiras terrestres, nhos podi crê"

Jovem ki manda es texto prefire fika anonimo