Praia: Joven di 21 ano acuzadu di viola kriansa di 11 ano

Joven di 21 ano acuzadu na Praia di viola kriansa di 11 ano

VITIMA Y PREDADOR...
Vitima é un minininha di 11 ano, fidju di un mai rabidanti ki ta mora na bairro Eugenio Lima, pertu di Achadinha undi es kinta-fera di parmanhan es kriansa odjadu ta sai di un caza ta sangra y ta grita...
Supostu predador ê Renato, + konxidu pa Ny (foto) un joven di 27 anos ki ta mora nes caza na Achadinha.
Vizinhos ta fla ma kuandu es odja es kriansa nes stadu es txoma policia mas ma enkuantu es sta sperada chegada di autoridades Renato tenta fugi ku es mininha nun taxi mas ma e ka dexadu.
Rapaz enton bai sukundi nun caza abandonadu undi policia bai atxal. Ê foi prezu y aprezentadu na Tribunal enkuantu minina lebadu pa hospital.

Si provas ben konfirma ma ovi di facto violason kel li ê so + un di kes txeu cazus di abuzu sexual di menor ki sta torna un verdaderu flagelu na Cabo Verde.
Na ultimos anos denuncia di es tipo di krimi kuazi ki triplica na Cabo Verde ( uns 3 a 4 cazus por semana) mas ka bu iludi : Maioria di cazus di violason sexual di kriansas y di adolescentes ka ta denunciadu : Violadoris ( seja ele stranhu ou di familia) violadores disimuladus ta sta livri na meio di kriansas pa es kontinua ku ses prática abuziva ( justisa també ka ta djuda pamodi prucesus ta dura anos y otus ta kába pa “squecedu” )

Perfil di violador sexual tambe sta muda : Hoje na CV ê ka so “bedjus nojentus” ki sta abuza di kriansinhas.
Un numero kada bes + grandi di jovens també sta opta pa es kaminhu perversu.
Kuzé ki ta lebaz a fazi kel la?
Kuze ki nu podi spera di es nova gerason , ki debi garanti futuro di nos sociedade, si ê es mesma gerason ki sta kontribui pa distriu si propi futuro ku komportamentos dezumanus y kruel?
Kuzé ki sta fadja na nos sociedade ?
Kuze ki sta fadja dentu di propi familia?

Nu mesti un novo abordagen di es prublema pamodi ten kriansas y adolescentes ki tradu ses direito di vivi feliz y ki na verdade sta sufri kaladu ...

Justisa debi també kumesa ta manda publica fotos di tudos pedófilos ou potencial pedófilos pa es passa ta xinti burgonha na rostu ( y tambe pa alerta kumunidadi).
Comunicason social tambe ten si trabadju pa fazi na sentidu di sigui prucesu ti fin y di assegura ma violadores rialmenti ta paga pa ses krimi... fonte:ok