Antes ku pocu es fazi tcheu ku amor e dedicaçon, nos terra era terra de musica e hoje musica é "Tchoma minis".
Opinião di un seguidor: Cabo Verde, na mapa 10 pontinhos na norte de atlântico, que ta reparal é nos que sabi mé sta la. Antes de futebol (Tubaron Azul), kitesurf o qualquer otu actividade que leba nome de nos pais a mas alto nível, nos músicos foi grandes embaixadores de CV la fora através de nos musica.
Canto meios de comunicaçon era basico, meios de divulgaçon era escasso, internet nem ka ta falada del, nos musica foi xavi que abri portas. Grandes vozes na variedades de ritmos exóticos desde nos ilhas contagia, ultrapassa fronteras, povos, raças e leba nome de Cabo Verde pa mundo fora.
É um sensason agradável, de orgulho e de felicidade horas que bu origem é associado a algo de bom. N ta lembra na cidade de La Paz - Bolívia, na um xintada sima nu ta fla na CV, ku amigos e amigos de amigos (maioria latinos), na kel papo, apresentaçon e tal, guitarrista membro de grupo Cubano que sa animaba festa tchiga longan guitarra canto é sabi ma mi é de Cabo Verde, é fla "Éste si que lo sabe...", dipos na kel conversa é flan ma el é gosta tcheu de musicas de Cabo Verde e ma artistas Cabo-verdiano inspiral tcheu...
Nos musica fazi tcheu pa nome de nos pequeno pais e resultado nu sa odja ti dias de hoje na diáspora, mas hoje pocu nu sa fazi pa nos musica. Cusa que mas nu tem na CV de hoje é artistas, mas musica ke musica mesmo nu sa dexa tcheu a deseja. Maioria de jovens kre so copia e superioriza kel ke de otus, enquanto kel ke de nos, que nomes moda Cesária Évora, Bana, Ildo Lobo, Luís Morais, Tito Paris, ... etc dedica ses vida a el, pa nos musica torna kel que é hoje na mundo nu ka cre segui e da continuidade, és dexano um legado que hoje nu sa ignora, rebaixa e desvaloriza. Se é pa influencias, incentivos o inspiraçon nu ka meste bai longe, é so nu recua um poco na tempo e nu passa pa arquivo que nu ta atcha de sobra. Antes ku pocu es fazi tcheu ku amor e dedicaçon, nos terra era terra de musica e hoje musica é "Tchoma minis". Mas en fim, sima es ta fla na fundo de poço debi tem um luz acesa, e horas que n obi artistas moda Lura, Sara Tavares o Mayra Andrade n ta anima, jovens moda Ceuzany, Elida Almeida o Hilário Silva ta trazem algum esperança ma inda é possível. Que kel amor que es ta transmiti na ses musica tchiga na maioria sima tchiga na mi e na quantos mas, fazi nos povo desperta e da mas pa kel que dja dano, ke de nos e que ta identificano."
Canto meios de comunicaçon era basico, meios de divulgaçon era escasso, internet nem ka ta falada del, nos musica foi xavi que abri portas. Grandes vozes na variedades de ritmos exóticos desde nos ilhas contagia, ultrapassa fronteras, povos, raças e leba nome de Cabo Verde pa mundo fora.
É um sensason agradável, de orgulho e de felicidade horas que bu origem é associado a algo de bom. N ta lembra na cidade de La Paz - Bolívia, na um xintada sima nu ta fla na CV, ku amigos e amigos de amigos (maioria latinos), na kel papo, apresentaçon e tal, guitarrista membro de grupo Cubano que sa animaba festa tchiga longan guitarra canto é sabi ma mi é de Cabo Verde, é fla "Éste si que lo sabe...", dipos na kel conversa é flan ma el é gosta tcheu de musicas de Cabo Verde e ma artistas Cabo-verdiano inspiral tcheu...
Nos musica fazi tcheu pa nome de nos pequeno pais e resultado nu sa odja ti dias de hoje na diáspora, mas hoje pocu nu sa fazi pa nos musica. Cusa que mas nu tem na CV de hoje é artistas, mas musica ke musica mesmo nu sa dexa tcheu a deseja. Maioria de jovens kre so copia e superioriza kel ke de otus, enquanto kel ke de nos, que nomes moda Cesária Évora, Bana, Ildo Lobo, Luís Morais, Tito Paris, ... etc dedica ses vida a el, pa nos musica torna kel que é hoje na mundo nu ka cre segui e da continuidade, és dexano um legado que hoje nu sa ignora, rebaixa e desvaloriza. Se é pa influencias, incentivos o inspiraçon nu ka meste bai longe, é so nu recua um poco na tempo e nu passa pa arquivo que nu ta atcha de sobra. Antes ku pocu es fazi tcheu ku amor e dedicaçon, nos terra era terra de musica e hoje musica é "Tchoma minis". Mas en fim, sima es ta fla na fundo de poço debi tem um luz acesa, e horas que n obi artistas moda Lura, Sara Tavares o Mayra Andrade n ta anima, jovens moda Ceuzany, Elida Almeida o Hilário Silva ta trazem algum esperança ma inda é possível. Que kel amor que es ta transmiti na ses musica tchiga na maioria sima tchiga na mi e na quantos mas, fazi nos povo desperta e da mas pa kel que dja dano, ke de nos e que ta identificano."
COMMENTS