Kuaker kusa ka é Mudjer

Kuaker kusa ka é Mudjer, de Mario Loff

Ten un kurva de un so stilu ki ta pula na boka
O ku vida tortu moda kes letra di Deus
Ki bo me bu ten na bo, mudjer
Odjus di fartura na tenpu ki gana kumi tinha un bistimenta sen ropa

bu ta diletaba fomi di alguns seris vindus di bu ventri
Nton dja bu skesi modi ki bu ta kurvaba moda kudjer
Sima ki bu da konta ma afinal é bo me ki é sombra di bu ser presu
Na sulada tidjadu sen ninhun baroti o homi stronka

Odjus ki kori na sigui sabura di milodias
Di Xafaris ki ta dispixa speransa en ves di bus lagrimas
Tinda bu ta konta kantu zingui di basiu sen amor dja bu karegaba
Ti ki homi sen pai prendi fla bu fidja mas pikinoti na un ton di voz konxedu
Ki tinda kel frasi ta zibiou na npena di bu obidu

-Dan mo nha irmã. Dan mo nu stika sima ora ki linha piska
tibaronsona na meiu di mundu.
Ala é um guera sinplis
pa gentis ki ben desdi zingui puteradu na basiu, e kantigas.
I na korpu i ventri di kel flana ki skeseda si el txoma mudjer
Mas, Tinda é ka dobra sima kudjer.

:esta poesia foi dedicada a uma pessoa
a uma personagem
designada
personagem de um prato sem açucar, sabe-se la o que isso queira dizer.

Mário Loff