Suspeito di mata si kumpanhera na Santa Cruz sta rekupera na Hospital di Praia

Dipos di supostamenti mata Adalgiza a tiro Paulo inda tenta mata si kabesa mas ê foi socorridu

Di acordu ku vizinhos Paulo dja amiasaba Adalgiza kantu bes ma ê ta ta mataba el y justamenti antis di ê kometi es atu homicida na dia 28 di Febreru ê mandal telefona familia pa aviza ma ê sta morreba...

Dipos di supostamenti mata Adalgiza a tiro Paulo inda tenta mata si kabesa mas ê foi socorridu a tempu y transportadu pa hospital di Praia undi ê sta fora di perigo ...Foi di hospital ki e telefona pa Santa Cruz ta pergunta pa si fidju ki fika sen mai...

Kel li ê + un cazu di krimi pasional ( krimi derivadu di un relacionamento amoroso ou sexual) ki infelizmenti ten aumentadu na Cabo Verde ... Ê maridu ki ta agridi mudjer, ê mudjer ki ta agridi omi, ê un kumpanheru ciumento ki ta dagui na kunpanhera, ê un namoradu rejeitadu ki ta mata namorada, ê guerra di bombosas, etc etc.... Na origen di tudu es dizavensas ki na tcheu kazus ta termina ku morti sta es terrivel binomio amor/traison ( rial ou imaginario).

TA MATADU PUR AMOR ?
Nau ...Ka ta matadu pur amor.
Ki ta mata ê odio, ê frustason, ê desejo di vingansa, tudu motivadu pa un paixon doentiu y destrutivu.
Podi ate ser ki antis tinha algun amor , mas ora ki alguen labanta mon pa agridi ou pa tra vida di si “amada” bu podi screbi ma di es amor nada ka fika ... Es paixon ki ta distrui “pessoa amada” ê ka amor...ê justamenti si oposto ( ê ódio). ...
Ê es paixon obsesivu ku si ciume izageradu ki ta xplica es tipo di assasinatos mas nunka ê ka ta justifical nen ê ka ta “disculpal”.

ALGUN KUZA STA FADJA NA CABO VERDE...
Algun kuza sta fadja na pruteson di vitimas, sobretudu na pruteson di mudjeris vitima di violencia domestica sima na cazu di Adalgiza...

Di acordu fu familiares era konstantimenti agredida pa Paulo si kumpanheru y ê txiga ate a sai di caza pa bai vivi na caza di un si irmon.... Mas infelizmenti na Cabo Verde violencia domestica inda ê entendidu + komu un kiston kultural di ki un kiston di justisa ( Na maioria das vezis mudjer ta prifiri “sufri kaladu” en ves bai da parti na autoridadi y agresor raramenti ta kulpabilizadu judiciamenti a non ser na cazu di morti ou di ferimentu gravi)...

Justisa també ka ta djuda pamodi ora ki mudjer kexa lei ta dura ki aplicadu ( ou ta fika sen aplicadu) y ten txeu omi ki ta fla ma es ka ten medu di justisa.

Txeu bes tambe es maridu ciumento ou namorado rejeitadu ta amiasa ma ê ta mata si kumpanhera ... Un dia ê ta matal mé... sima na kazu di Paulo ku Adalgiza.

Portantu ê nes ambienti di medo y inseguransa ki ta vivi tcheu mudjeris na Cabo Verde , tantu cazadas komu solteras.
Pa muda es situason sociedadi ten ki midjora mas també PODER PUBLICO ten ki toma medidas pa kombati es situason pamodi ora ki autoridades ta fadja na prutegi parti + fraku, es “parti + fraku” ta torna refen di parti + forti. ...Ku tudu abuzu y barbaridadi. fonte:ok