Tarrafal: Rotina di estudante di fundo Principal sa emociona pessoas na internet

criola kre sabi kuze ki pessoas ta atxa di es assunto...

es texto foi incicialmente publicado pa dypk, y txiga na nos atraves di un tarrafalense ki kre fika anonima, simplismente é kre pa pessoas konxe es realidade:

"Estudante la de fundo Principal

Labanta cinco e meia prepara pa bai escola la Tarrafal;
Dento txuba, dento sol, dento txa e sem toma café, cu sinquenta escudo na boiço otu dia sem nada; Txiga hortelão, cu uniforme tudo modjado, estudante la de fundo principal.

Txiga casa, atxa almoço almuça ca atxa ca almuça, panha basora limpa casa, panha lata panha agua, tra padja pa da limaria, bai cata lugar panha lenha leba casa, cozinha, estuda de note, es que rotina de estudante la fundo principal.

Txiga tempo de asagua, lalabanta 6 hora panha lata panha água prepara, de oito hora te 4 hora dento lugar, símia munda , ramonda, trismunda e escola dja começa;
Es qui se rotina de sétimo ano te décimo segundo, estudante la de fundo principal.
Um fase dja pasa sa começa nobo fase, quenha que teni condiçon estuda, quenha que ca teni fica na casa, hora de bai universidade.

Pai ta paga renda, ta paga escola, comida etc. Ta anda cu calsa tudo ratxado pa poi fidjo na escola, fidjo ta estuda «cu fome, cu sede», durante 5 ano, termina estuda trabadjo ca tem, es que bida di estudante la fundo principal, manxi limpa casa, bate, bai lugar, djunto cu mai cu pai sem trabadjo , tud dia. Pai ta pasa pa dificuldadi i fidjo ta pasa. Fidjo cu vontade de trabadja pa djuda pai , mas infelizmente ca tem como, es que rotina di estudante la de fundo principal …

Agora kal qui futuro qui bu sa espera de quel estudante ly? pamod gosy atxa trabadjo sta mas complicado de qui estuda, undi dinhero sta de el paga carro pa cori traz de instituiçon pa poi papel, unde sta dinheiro de poi saldo pa entra net pa candidata pa concurso, hora que bu istriba bu consigui, bu ca tem experiência profissional, dja bu reprova nota ca ta txiga, agora kal qui si futuro ?
Manxi djobi mama cu papa dento rosto tud dia, es que bida de estudnte la de fundo principal.
Sa xinte preucupada cu situçon de estudantes de principal. "

comenta