Entrevista ku Za Preta: "Nka ta leba dança como um profissão, mas sim como Paixão"

Dança é si paixom, ta faze parti di si vida desdi quando el era criança, y hoje é di kes dançarina ki tudu cantor ta kre teni na video clipe

Za Preta é um minina ki nasci na Praia, Cabo verde, k bem d um familia pobre, humilde, cheio de amor ao próximo ki bem de berço.

Quando ki kumeça gosto pa dança?

R: Ncria na Bela Vista, cidade de Praia, la kim vivi tudu nha infância, nha mae tinha loja na casa é ta poi badju tudo dia, sempre ngostaba d dança desde criança.

Modi ki bu entra na dança a serio?

R: N' começa ta dança aserio na campanhas la Cabo Verde, també ntinha um grupo d dança la na Bela Vista, d nome B30. Na ano 2000 e na 2004 ncumeça ta fazi vídeo clip premero foi cu Nhelas
Dipos mbem pa Lisboa na 2008 nfazi nha premero vidio cu Cesa Branca, apartir de la foi vários, Hoji nta vivi na Lisboa.

Modi ke bu dia a dia?

R: Nha dia dia é trabadjo, ginásio, cuidar do filho, mas ntem um vicio: tudu dia d manha nta fazi um hora d dança antis d pequeno almoço, so assim kim ta xinti animo.

é facil pessoas reconheceu na rua como bailarina?

R: Na rua tudu alguém dja conxen, ate alguns ta fla mam cata fala cu alguém mas é k monte conxem até pessoas ki nunka nka odja mas ami é um pessoa ki gosta d fazi amizade.

Bu ta posta alguns video ki bu ta sta na faze exercicio fizico, kantu bes pa semana bu ta trena?

R: Nka ta posta tcheu vidio pamodi nkata teni tempo fazi vidio, mas sim ki parci tempo nta poi, ginásio mesmo nta bai pouco por motivos dim sata trabadja na Algarve goxi, mas nta fazi tcheu exercício na casa.

Kal ke bu dieta alimentar, bu ta controla: gorduras, doces, kes kusas la?

R: Antis nta baba ginásio, nka tinha controlo, era treno e cumi d tudo. Mas a 3 mes a traz nsata leba treno aserio nsata fazi dieta pa nsata treina 3 vez pa semana pamodi sempre nfoi vaidoza e mi nta preocupa tcheu cu autostima. Goxi ncre atinge nha objectivo.

Txeu bes oras ki nu sta exposto publicamente nos é sugeito a criticas, modi ki bu ta lida ku isso?

R: Por acazo nta agradeçi tcheu o facto de nunca nca recebi critica, a nao ser construtiva. Mas se for o caso nxta preparado pamodi cada alguem é livre pa fazi se comentários e da se opinião.

Modi ki bu ta faze gerencia entre shows, familha, trabadju, é possivel leba um vida trankilu?

R: Ya as vezes é complicado, mas é assim. Ami nkata leba dança como um profissão mas sim como paixão  é so pamodi ngoxta mesmo.

Pergunras y respostas rapidas...

kal ki bu gosta mas: Dia ou noite?
R: Ngosta d noite

Piscina ou mar?
R: Piscina

Cor preferido?
Amarelo

Paiis preferido?
R:Portugal

Prato preferido, comida?
R: Caldo d peixe cu banana verde

Fruta?
R: Mangu