2 jovens caboverdianas perdi vida na Merca...
2 JOVENS KRIOLAS PERDI VIDA DI FORMA TRAGIKU KINTA-FERA PASADU NA FLORIDA...
Uns 15 amigos y familiaris di Sheila Dias , incluindu si mai ki ta vive na estado di Rhode Island, bai Florida difetu pa bai sisti graduason di es joven studanti ki sta kompletaba si formason médio na Universidade di Sul di Florida antis di ingresa na formason superior... En ves di festa di graduason es sisti si funeral.
Sheila Dias foi enterrada es sábado na sidadi di Tampa, na Florida, 2 dias dipos di si morte. Ê tinha 22 anos di idade.
Sheila morri na hospital 5 dias dipos di un acidente di carro ki konsitisi poku horas antis di si graduason.
Familia inda alimenta speransa di odjal ta rekupera ma si stadu piora so piora y ê kaba pa morri kinta-fera pasadu.
Originaria di un familia grandi di cabo-verdianos, Sheila nasi na Florida mas dipos e kumpanha si familia pa estado di Massachussets undi e kompleta Liceu na sidadi di Avon. Ê volta pa Florida pa kontinua studu y si sonho era ser medica . Na Liceu di Avon e foi studanti de honra pa alen di medalha d’oru na atletismo.
Enkuantu e sta studaba na Universidadi di Floria pa un dia ser dotora tambe e ta trabadjaba nun restaurante. Morti interrompi si vida...y si sonho.
Morti interrompi tambe vida y sonho di Larrisa Barros, 18 anos di idade.
Larissa, fidju di cabo-verdianos rezidenti na Merka, tambe morri kinta-fera pasadu na Florida asasinada a tiro pa si ex-namorado y pai di si fidju ki dipos mata kabesa na rua na prezensa di policia.
Tambe sta faltaba Larisa el so alguns dias pa si graduason na Liceu y Universidade Estatal di Florida dja aceitaba el pa kontinua studos.
Ciume y violencia doméstica podi sta na origen di es tragedia ja ki si ex-namorado (un afro-americano di 20 anos) si ex-namorado staba proibido di txiga si pertu y ate ê foi prezu na mes Dezembro ê viola es medida.
Kinta-fera pasadu + un bes e bai si kaza, mas di es viaji ê bai armadu .... Larissa tchoma policia mas policia txiga tardi di + ( dipos di enkontra Larisa morta na caza policia identifica si asasino na rua ki dispara sobri si propi kabesa peranti aprosimason di policia)
Amigos y familiares ta deskrevi Larissa komu un joven ki staba disposta a fazi tceu sacrificio pa entra na Universidade y kontinua si studos.... Tambe es ta fla ma ê ta fazeba tudo pa si fidju ki e dexa poku + di un ano di idade ( fidju ki ta ben kria sen mai sen pai) fonte:ok
COMMENTS