Ami nha nomi e pitroli...

Ami nha nomi e pitroli, poema de Danilson Pires

Ami nha nomi e pitroli
N sta spadjadu pa tudu mundu
N tem valor,
Mas ki propi omi
Ki sta nha tras ta buska-m
Dja N poi gera ku matansa
Omis tudu sta nha tras.
Ma Kulpa ka di meu.

Na kau ki N sta
N ka ten txeu valor
Por isu dja N podu un presu
Kenha ki rafila ta paga ku vida
Su ka kridita,
Dixi siria ba Angola
Bu ta odja.

Munti ta luta pa tene-m
Mas tanbe ta pon kornu ku diamante
Infidelidade ki dja pos ka ta durmi noti
So pensa modi ta fasi pa troka-m
Ku sifron.

Si for prisisu inpenha si armun
Bendi si mai
Toka lumi na Kasa si visinhu
Ka ten problema.
Ami brutu N bali XX,
Idukadu N bali mas X,

Trokadu mi, aros dja da no
Ma Kulpa ka di meu.
Nha valor sta poi
Presu di midju ta subi
Oliu ta subi,
Vensimentu ta dixi
Rikesa ta aumenta
Na bolsu kenha mas spertu
Y Kre-m mas Txeu
Pobreza, ta aumenta na nha zona.

Tristi pamodi Nka ta rikisi
Nhas armuns ki N nansi na si kasa
N ta bai longi sendi limia
Kasa di fulanu
Ki ta trunpi, na munti kau.

Ami nha nomi e pitroli
Trokadu mi munti fika visiadu
Na Sifron.

Ki mas ta due-m e na afrika
Ki la N ta kunpradu pa X na mo di spertu
N ta volta la di fatu gravata
Ki N bali mas X.
Pamodi inda N kadu valor.
Pa N podu na skola.

Danilson Pires