USA: Prizon preventivu pa joven kriolu ki mata si mai di kriason na Merka

Danny dja foi kantu bes internadu ku prublemas psicologico

“ BU ODJA ? …Ê KA STA MOVI “
Si ki   un familiar di Danny Lopes  fla  es kuarta-fera na Tribunal Distrital di Brockton  ma  Danny flal kuandu ê mostral korpu sen vida  di  Julia Fernandes, un  idoza di 72 anos   ki  foi  asasinada fin-de-semana pasadu   kuandu ê sta durmiba riba di si kama na si kaza na West Bridjewater, na estado na Massachussets.

Di akordu ku procurador di justisa Danny  Jose Lopes  Jr ( 34 anos, centro na foto)  di akordu ku procurador Danny bai buska un  pó di lenha na cave di ses caza  y dipos ê subi segundo-andar  undi  friamenti  ê agridi  ti morri es idoza di 72 ano ki  krial komu si fidju.
 
Danny  dipos  bai konfesa krimi na un si “familiar” na Brockton dia domingo di tardi.  Foi enton ki es familiar, ki  també da si depoimento na Tribunal,  foi enton ki es familiar kumpanha Danny ti si caza undi ê diskubri corpu di Julia Fernandes  na meio di un mar di sangui.

Di acordu ku es familiar,  Danny, ki na si opinion staba staba sob efeito de cocaina,  di akordu ku es “familiar”  Danny   ka kreba akredita ma si mai staba morta ( ê sakudil kantu bes pa odja si e staba ku vida).  Foi es mesmu  “familiar”  ki dipos bai aviza policia y Danny  ben foi  dipos prezu segunda-fera di parmanhan na kaza di un si parente na North Providense, na estado di Rhode Island.  Es kuarta-fera ê foi akuzadu formalmenti di homicidio y juiz mandal kadeia sen direito  di paga fiansa.

 Durante es aprezentason na Tribunal  di Brockton es kuarta-fera si advogadu di defeza fla ma Danny dja foi kantu bes internadu ku prublemas psicologico:
“ E foi clinicamente diagnosticado  komu bi-polar”.
Ê ten 3 paginas di kadastru  kriminal ( maioria  pur krimes menor) mas kuazi sempri ê ka ta kompareseba na Tribunal.

Na audiensia di es kuarta-fera staba tcheu familiares di  Julia , algun ku lagua na odju kuandu  es obi detalhe  di es krimi terrivel.
Julia  Fernandes  ta pertensi a un familia cabo-verdiano di Brockton y e ta rekordadu komu un mudjer “nice” y  simpatica. E foi duranti anos kumpanhera di pai di Danny  ki morri na 2003.
Danny debi komparesi  di novu na Tribunal na dia 22 di Setembro. Fonte:ok