Holanda: Jovem de origem caboverdiana assassinado na Roterdão

Pamodi ki Graciëlla matadu...

Holanda – Na um canal de agu ki ta fika pertu Roterdão, presizamente na zona de Vlaardingen, policia atxa na parmanhan des sexta fera, dia 22 de Setembro, korpu de um jovem de 21 anu. Tudu sta indica ma es jovem assassinadu.

Vitima é de origem caboverdiano, é txoma Graciëlla Gomes Rodrigues.

Policia dja prendi um homi de 31 anu, ki segundo informason é ex-namorado de Graciëlla, nes momento el é principal suspeito de mata es jovem.

Autoridades holandês sta na investiga si pessoa ki es poi preso, si é verdaderu assassino, e es kré sabe kusé ki kontisi exatamente.
Autoridades divulga, ma vitima atxadu 6:15 de madrugada pa agentes ki staba ta buscal dipos ki quinta fera de note se familia da alerta de se desaparecimento.

Sinal de roda de carro ki atxadu na local undi ki korpu staba, ta leba pa um parque de estacionamento ki ta fika proximu des canal de agu undi ki Graciëlla atxadu sem vida.
Es parque de estacionamento, ta kustuma ser txeu visitado de note pa casal de namorados. Tambe na local atxadu um T-shirt ku sangue e um telemovel.

Pa sabe kusé ki realmente kontisi, policia dja lança um comunicado, na fla ma és sta na busca testemunhas ki na note de quinta pa sexta fera, odja algum kusa estranho ta kontisi na kel área undi ki atxadu korpu. Fonte:dypk