É txeu carga horária ki nu ten pa mes pa nu recebe es único valor mensalmente e al ves ta acumula 2 aou 3 mes sen recebi.
Ê fla ma é kré fika anonima pa ê ka sufri reprezálias mas si denunsia ê kel li:
“ Nsta ben fala di un situason ki sta alastra dja ten un 6 anos e ki sta dexanu indignadas, mi ku un grupo de kulegas enfermeiras e enfermeiros.
Kuandu nu termina licensiatura Hospital Agostinho Neto kontratanu dipos di uns 6 mes di stagio, embora otus fazi stagio di un ano ku deslocason sen kualker ajuda di kustu.
Embora nu ten stadu ta desempenha nos funson ku tudo kompetensia, ku tudu prufisionalismo e ku tudu amor nu sta xinti xploradu pamodi ti inda nu sta recebi un salario di 35 mil escudos pa mes.
Kontratu ki Hospital ten ku nos ta konsideradu ilegal pamodi nen sequer ê ka ta estipula horas di trabadju ki nu debi kumpri, mas no entanto es ta obriganu fazi trabadjo sima qualquer otu e kumpri mesmo carga horária komu pur exemplo trabadjo pa turno, fazi noite e mais noite, 12 horas de serviço (08 às 20 horas da noite) …
Nu ta trabadja feriados, fim de semana e horas extras sem recebe ninhun kompensason pa alen di es 35 mil mil que es ta fla ma ê um remunerason… Nu ka tem seguro di saude sima dja nflaba , nu ka ta fazi parte de sindicato, nu ka tem nenhum tipo de beneficio mas nu entanto no tem mesmo responsabilidadi ki kualker otu prufisional ….
Si pur izemplu nu ausenta pur motivo de doença ou problema pessoal nu ta markadu falta e ta descontadu na fim de mês … Se nu reclama nu ta dado kastigo sima dja kontisi ku kolegas ki transferidu pa otus serviço mutu mas pesado e mas cansado.
É txeu carga horária ki nu ten pa mes pa nu recebe es único valor mensalmente e al ves ta acumula 2 aou 3 mes sen recebi.
Dipos di tantos anos di trabadju inda nos categoria ê enfermeiros estagiarios. Ministerio de Saude ta fla ma es ka ten conhecimento de nos kazu y Direson di Hospital sempri ta fla pa nu spera ma djes manda kazu pa Ministerio.
Ultimamenti nu fika inda mais indignados pamodi es fazi un injustisa ku nos. Ku es epidemia de paludismo Hospital e Ministério de Saúde kontrata txeu enfermeiros novos, enfermeiros esses que termina licenciatura recentemente e que fazi menos tempo de stagio profissional que nos. So ki na ses kontratu es ta pagadu komu enfermeiros licenciado e es ta recebe noites, feriados e horas extra.
Ê pur isu ki nu kré pa população sabi cuzas ki sta passa nes hospital .
Nka fla tudu pmd cuzas ê txeu sima falcatruas ki ta kubridu ou privilegios pa meninos bunitos ku bunitas .
Kuza ki populason també ka sabi ora ki ê ta reclama dentu di si direito di atrazu na atendimento ê ki es enfermeiras e enfermeiros sta la ta trabadja dia e noite ku tudo amor pa kuida de doentes mas nu entantu es ta tratadu kuazi sima escravo.
Pa nos ki sta la nes situason dja ten 2, 3, 4, 5, ou 6 ano di kontrato ilegal kel li ê un desmotivason e ten kolegas ki até dja abandona e otus kré dizisti.
Mas sen enfermeros kompetentes na fin ê tambe doentes ki ta sai prejidicado.
Ê pur isu ki també nu kre pa rezolvedu es nos situason.
Obrigada. Fonte:ok
COMMENTS