"Uniku lição Positivo de Casa do Lider"

opinion enviado por um segudor di Dexam Sabi

"Reality shows é programas que sta torna popular na mundo inteiro e é ka so pamode entretenimento. Geralmente é ta aborda situaçoes que é necessário lida ku equipas, fazi avaliaçoes rápido, compete, assume responsabilidades e realmente é pode ensina kuzas importantes pa mundo "real".

Que liçoes positivas nu pode tra di programa casa do lider?
Bom, na nha opinião unico candidato que tem um história de grande relevância dentro de kel casa lá é Ga da Lomba. É tem um história que é pertinente e atual, um história de mistura de fracasso (toxicodependência) , riscos, mas o mais importante um história de recuperação e sucesso. E mais, um história de verdadeiro liderança.

Pa mi mesmo k é ka txiga final , el sim é o maior lider des reality e midjor lição. se história e vivência ke ta conta ta inspira e motiva jovens , forma k é ta contal ta causa txeu impacto sobre mudança de mentalidade de jovens k sta na toxicodependência e em recuperação.

Ga da Lomba é unico candidato que ao invés de fazi jogos pa causa desentendimento dentro de casa é unico que ta fazi de tudo pa une pessoas! Alem de motiva kes otus, é ta cria ambientr de paz. Apesar de convive ku pessoas de diferente personalidade, é ta consigui passanu um nivel de tranquilidade admirável. Sempre k tiver debate é ta mostra ser um pessoa capaz de fazi analise de tema que ta corresponde a realidade. Dentro de casa é pode ate sta gera descontentamento e medo de se colegas, mas nta acredita ma na mundo li fora é ta gera (pelo menos na mi) senso de confiança, txeu educação e respeito pa el e se proximos.

História de Ga da Lomba é um reflexão, um espelho di nos tempo.  é um aviso de que nu precisa  uni e  salva de um futuro que pode ser parecido ku disel.

Casa do lider, desde inicio na maioria de vezes sta deixa maus mensagens. Mas nu deve foca na kel ke importante. Na bondade, paz, saude. É mais importante sigui em frente, sobrevive na jogos de kel casa la , atraves de apunhala colegas pa costa, falta respeito pa cumpanheiro ou tem mais sentido usa bus habilidades e inteligência e tenta ajuda pessoas bu volta???

Pa tudo isso k nfla, ta conclui ma Unico lição positiva des casa nu ta tral na Ga da Lomba." foto:casa do lider