Nta machi nta pide Dios pa guardabu bu curaçom, pa paziguabu bu aima...
Dento mi tem um coraçom ke di bo, menina.
Tem dia k la de riba na aitura, npide anjos pa dexam braçabu ku caima, ku sodade...
Npidis pes dexam carcabu na mi, taki bu chinte nha curaçom ta bómbia..
Na kel mesmo dia, tudo txóti k trabessam na odju, npidis pes cantabu um cantiga nobu, pes embalabu na noti k pesadelu conku na bu porta. Npide anjos, arcanjos pes acompanhabu, menina. Npidis pes pobu mo riba cabé, pes ka dexa sabidus de portu baxu lebabu ku dos cantiga..
Nta machi nta pide Dios pa guardabu bu curaçom, pa paziguabu bu aima...
Ku nhas dos joelho djunto npidil, pe dexam amabu ku mas sedi k kel k nmabu ontonti...
Ochi noti stam sukuru, miná.
Tem dia k nta maxi nta cuda mundo, nta labanta desanimadu, ku kuraçom pertado... nta pergunta Dios k dia k ta ser nós bez. K dia k nta krebu k ninguem ka ta librau de mi, k num matxicadu ka ta trau de baxu nha sobacu...
Nkrebu, nkrebu ti k ta duem dento mi.
Ndabu nha amor sem medo de bu enganam, nkrebu sem burgonha, nkorri bu tras cima santxu ta salta pardueru de noti...
Ochi é dia k vizinhos odjam la ta bem flam pam larga star de bo.
Es ka sabi go ma star de bo djam larga a muito tempo mas nha curaçom kontinua ta krebu. Es ka sabi ma nu ka ta deta djunto mas nha aima sta imbrudjadu na ponta bu sulada. Es ka sabi man ta maxi nta pidi Dios pa dam um novo amor... so k es kusa li dja biram nha castigo parké kada bez k npertau na mi, nha sperança ta naci na meio de sukuru, tudo bez k mi n'odjabu la ta bem kuraçom ta leki leki dento mi cima relogio mandjaku.
Es ka sabi... es ka sabi kuse k ntem passado. Es ka sabi menina, k kasta de sentimento é es li k nta carrega dento mi.
Es ka sabi menina, ma de mi ku bo ka mesti aprovaçom de nenhum padre. Dios teneu pa mi e mi nkrebu tudo dia sem dia de diskreu.
Dicla Gosnçalves
Tem dia k la de riba na aitura, npide anjos pa dexam braçabu ku caima, ku sodade...
Npidis pes dexam carcabu na mi, taki bu chinte nha curaçom ta bómbia..
Na kel mesmo dia, tudo txóti k trabessam na odju, npidis pes cantabu um cantiga nobu, pes embalabu na noti k pesadelu conku na bu porta. Npide anjos, arcanjos pes acompanhabu, menina. Npidis pes pobu mo riba cabé, pes ka dexa sabidus de portu baxu lebabu ku dos cantiga..
Nta machi nta pide Dios pa guardabu bu curaçom, pa paziguabu bu aima...
Ku nhas dos joelho djunto npidil, pe dexam amabu ku mas sedi k kel k nmabu ontonti...
Ochi noti stam sukuru, miná.
Tem dia k nta maxi nta cuda mundo, nta labanta desanimadu, ku kuraçom pertado... nta pergunta Dios k dia k ta ser nós bez. K dia k nta krebu k ninguem ka ta librau de mi, k num matxicadu ka ta trau de baxu nha sobacu...
Nkrebu, nkrebu ti k ta duem dento mi.
Ndabu nha amor sem medo de bu enganam, nkrebu sem burgonha, nkorri bu tras cima santxu ta salta pardueru de noti...
Ochi é dia k vizinhos odjam la ta bem flam pam larga star de bo.
Es ka sabi go ma star de bo djam larga a muito tempo mas nha curaçom kontinua ta krebu. Es ka sabi ma nu ka ta deta djunto mas nha aima sta imbrudjadu na ponta bu sulada. Es ka sabi man ta maxi nta pidi Dios pa dam um novo amor... so k es kusa li dja biram nha castigo parké kada bez k npertau na mi, nha sperança ta naci na meio de sukuru, tudo bez k mi n'odjabu la ta bem kuraçom ta leki leki dento mi cima relogio mandjaku.
Es ka sabi... es ka sabi kuse k ntem passado. Es ka sabi menina, k kasta de sentimento é es li k nta carrega dento mi.
Es ka sabi menina, ma de mi ku bo ka mesti aprovaçom de nenhum padre. Dios teneu pa mi e mi nkrebu tudo dia sem dia de diskreu.
Dicla Gosnçalves
COMMENTS