Konxi Mudjer ki ten mais idadi na S.Vicente... Maria Joana kompleta 112 anu di vida…

Maria Joana kompleta 112 anu di vida…

Di akordu ku Wikipedia so ten 22 pesoas bibu na mundo ku 112 anos di idade …Pois ben , es ten ki acressenta + un: Maria Joana Rodrigues ( + konxidu pa Mri d’Jona ou Mia d’Rubera Julion)
Mri d’Jona nasi na vale di Paul, na Santo Antao, na dia 06 di Janeru di 1906 ...

E sobrivivi tudu krizi di fome y di seka ki ta bai ta ben mata milhares di cabo-verdianos y ê odja 2 di si fidjus ta embarka pa S.Tomé ( fidjus ki nunka + ê k’odja).

Dja ten uns 30 anu ki Mri D’Jona dexa si vale di Paul pa bai vivi ku un si filhu-fémia na Rubera d’Julion, na S.Vicente. Ê la ki ê kumemora sabado pasadu 112 anos di vida, rodiadu di familia y amigos ( na foto ku trisnetas).

Oji en dia Mri d’Jona kuazi ka sta labanta di kama, ku prublemas di koluna y tenson altu... Tambe ê ka sta obi dretu y vista dja ka ê kel ki era antis, mas familia ta fla ma pa si idade, pa kansera y pa si vida sufridu , nen e ka sta mutu mal di saude…

Mri d’Jona ten 6 fidju, mas di netos ku besnetos ku trisnetos dja ê perdi konta ( txeu ê ka konxi pamodi nasi na S.Tome ou na Portugal undi ta rizidi un si fidju matxu).
Komu pessoa + idoza di S.Vicente es sentenária ten sertamenti txeu storia pa konta ( storias di luta y di sakrifisio). Ê ta simboliza es “Amdjer de nos terra” ( nos or, nos pitrol nos rikeza) ki nunka ka dizisti di vida sempri ta kata pa kria fidju…
Es “amdjer de nos terra”
Retratode e pintod na rotcha
Tchorode e cantod pa mar
Quémode de sol sotode pa vente
Ma sempre ta espia pa lua…
PARABENS MIA D’RIBERA D’JULION… (es grandi sinhora meresi un omenajen) fonte:ok