Tra pa fora tudu ki ta sufocau la dento ... Anilton Levy

nu ta julgado pa nos atitude, ninguem ka midjor ki ninguem nes mundu di erus, certu sta a um gestu di eradu.

Negadu...

Tantu tenpu ta odjau so di longe, txiga pertu pa xinte se ka odju ki sta inganadu, mas, pertu bo é mais doce, bu kentura ta ferve nha ser, obiu ta papia ta ardi nha alma, é bo... kel padas ki sai di mi, kel ser kin sta prokuraba, mas flan... pake kori tras di kel ke dimeu, pake? nos é insiguinificante, vive si é ka suficiente, nu torna iludido kantu nu dexa di ser criança, mundu ponu em prova, entre dilemas, fazenu acredita ki so nu ta ser feliz na ladu di un alma gemia, alguen ki ta completa nos vazio, podi ser verdade, mas nada nes mundu é pa sempre, nada nes vida é kel ki sempre foi. Mundu ta da volta, sentimento alves ta troca, homi ta era, fladu ma perfeito nes mundo é so amor, flam modi ki un kuza perfeito ta nance di un ser imperfeito...

Kada un tem si personalidade, u ki ta difinino komu ser, nu ta julgado pa nos atitude, ninguem ka midjor ki ninguem nes mundu di erus, certu sta a um gestu di eradu. Kada un tem si verson, kada um si interpretason, y storia ta ba ta muda a kada obidu, Mas verdadi é so um. Julga nos tudu nu podi, tem oras ki dedu ta sta pontadu pa nos. Lenbra ma nem tudu ki boka ta fla obido ta obi, nem tudu ki obidu ta obi boka ta fla. Odju alves nem ka odja mas boka ta fla me staba la, ki obido nem ka obi...

 Txeu bes bu pergunta pamodi tanto vazio na mi. É ki mundo sta xeiu di ceguera, xeiu di medo, xeiu sukuru, pamodi homi ka sa konsigue valoriza luz, amor é palavra pa konsola na oras mansa, apenas um letra na um livro. Vaziu na mi é ka txeu, mas é poku na mundu ki ta completal, y alves nta perdi na tenta incontral na meiu di tanto incognita.

Nka tem kulpa di perdi na tentason di bekus profundo, na tenta da luz a nhas vazios. Vazio pa bo é algu ki ka existe, mas pa mi é um sufoco profundo... kulpa é lagrimas ki kai di bu odju na tenta mara es vazio ki ta siparanu.

Palavras ta provoca oras ki bu uzal certo na momento certo. Silencio ta mata oras ki palavras intxi na boca. Tra pa fora tudu ki ta sufocau la dento, dento sta xeiu y fora sta vazio. Txeu bes bu prendi bu lagua dentu bo sima ke ka ta pertenci a mundo. Tudu ki tem 2 rosto ta caba pa fika sem nenhum. Dentu di alguem ke alguem y fora é so kasku. Undi ki ka tem verdadi tem um ki ta da pa mais sperto, vida inxinam ki txeu bes ser bakam y mufinu é sinal di intiligencia. Balente da, spera pa dadu. Mufinu da, kori ka odjadu. Ka importa kantu bes bu kai, lembra, mas importante ki kai é sabi labanta y kaminha...

por: Anilton Levy, in: Sem Rosto