Beta, mudjer batalhadora
Nos ku Nos
BETA TA SUFRI KALADU…
Beta ta labanta tudu dia na primeru raiar di sol enkuantu maridu ta spéra detadu pa mata dju-djun antis di sai pa si jornada….
Na fazi-faxi Beta ta pripara kumida y ê ta ruma kaza ( un barraka di lata na Kastelon). Enkuantu ê ta korda mininos pa bai skola ê ta pripara si “negosio” pa leba merkadu.
Beta ê bendidera.
Si produtos ê xorisu, longisa, karni salgadu, tosinhu, toresma, tudu kuzas ki ê ta pripara ku si mó.
Porku ê el ki ta bai kumpra “la fora” y maridu ora ki sta “bon di kabesa” ta djudal mata.
Tudu kes otus tarefa ê riba d’el: Karni ê ten ki salga na óra pamodi si barraka ka ten jelera y dipos di frita torresma inda ê ten ki tenpera karni pa longisa. Kes trabadju li Beta ta faze-l di noti , na fin di + un dia di trabadju.
Vizinhos ta fla ma Beta ka ta kansa, sempri na luta pa pon di si mininos. … Marido ta trabadja na ponti-kais mas kuazi sempri ora ki ê ta txiga kaza na boka-noti ê ta txiga kaza moku…. Beta dja nen ka sta ligal + ( Dja ê sta kustumada ku si bebidera , ku si mau-génio, ku si mau-tratu y també ku si violénsia)
Di ves en kuandu Beta ta parsi na merkadu ku korpu ranhadu , ku un odju pretu , un bexu intxadu… Kunpanheras ta perguntal pamodi ê ka ta larga es ómi mas Beta ta rispondi sempri ma ê un kruz ki Deus dal pa karrega ..Pa alen di sima ê ta fla també ê ka kré odja si miminus ta kria sen pai ( fidju + pikinoti inda sta mama y undi Beta bai ten ki lebal )
-Y es bu ómi ta dau algun kuza ?
Beta ta rispondi “ayan”, mas kuza ki ê ka ta kré fla ê ki maior parti di dinheru ki si maridu ta ganha ta fika na taberna. Ê pur isu ki Beta ten ki disdobra na trabadju pa nada ka falta na kaza.
Medu di Beta ê si un dia ê duensi …Ou si un dia ê bira dodu. Fonte:ok
(foto ilustrativo)
BETA TA SUFRI KALADU…
Beta ta labanta tudu dia na primeru raiar di sol enkuantu maridu ta spéra detadu pa mata dju-djun antis di sai pa si jornada….
Na fazi-faxi Beta ta pripara kumida y ê ta ruma kaza ( un barraka di lata na Kastelon). Enkuantu ê ta korda mininos pa bai skola ê ta pripara si “negosio” pa leba merkadu.
Beta ê bendidera.
Si produtos ê xorisu, longisa, karni salgadu, tosinhu, toresma, tudu kuzas ki ê ta pripara ku si mó.
Porku ê el ki ta bai kumpra “la fora” y maridu ora ki sta “bon di kabesa” ta djudal mata.
Tudu kes otus tarefa ê riba d’el: Karni ê ten ki salga na óra pamodi si barraka ka ten jelera y dipos di frita torresma inda ê ten ki tenpera karni pa longisa. Kes trabadju li Beta ta faze-l di noti , na fin di + un dia di trabadju.
Vizinhos ta fla ma Beta ka ta kansa, sempri na luta pa pon di si mininos. … Marido ta trabadja na ponti-kais mas kuazi sempri ora ki ê ta txiga kaza na boka-noti ê ta txiga kaza moku…. Beta dja nen ka sta ligal + ( Dja ê sta kustumada ku si bebidera , ku si mau-génio, ku si mau-tratu y també ku si violénsia)
Di ves en kuandu Beta ta parsi na merkadu ku korpu ranhadu , ku un odju pretu , un bexu intxadu… Kunpanheras ta perguntal pamodi ê ka ta larga es ómi mas Beta ta rispondi sempri ma ê un kruz ki Deus dal pa karrega ..Pa alen di sima ê ta fla també ê ka kré odja si miminus ta kria sen pai ( fidju + pikinoti inda sta mama y undi Beta bai ten ki lebal )
-Y es bu ómi ta dau algun kuza ?
Beta ta rispondi “ayan”, mas kuza ki ê ka ta kré fla ê ki maior parti di dinheru ki si maridu ta ganha ta fika na taberna. Ê pur isu ki Beta ten ki disdobra na trabadju pa nada ka falta na kaza.
Medu di Beta ê si un dia ê duensi …Ou si un dia ê bira dodu. Fonte:ok
(foto ilustrativo)
COMMENTS