"Nu sa vive na um sistema podre undi q jovem ta ser oprimido e condenado so pamodi abri boka"

Kuze kes kre é q jovens seja conivente e cúmplice de tudu ses falcatruas e aceita tudu de boka kaladu.

Dipos di publica dizabafu di jovem tarrafalece, undi é ta fla "Mi Nsa ta ser condenadu pa crime di Opinião", varios vozes dja djuta a el, caso di Gerson Pereira ki fla:

"Es realidade é ka so na Tarrafal mas pa tudu kantu de Cabo Verde. Nu sa vive na um sistema podre undi q jovem ta ser oprimido e condenado so pamodi abri boka. Kuze kes kre é q jovens seja conivente e cúmplice de tudu ses falcatruas e aceita tudu de boka kaladu. Kes poku q tem koragi de enfrenta sistema sempri ta ser perseguido. Djam odja pessoas na grandis cargos ta abre boca ta fla ma enquanto nos é jovem nu tem q aguenta tudu de boca calado e odju fitxadu ti q nu konsigui nos lugar.

Mas pamodi?!? Pamodi ora kin mesti es ta fitxam porta? So pamodi n xpressa kel kin ta pensa e opina sobre algo kin ka atxa korretu?

 Um monti de jovens cheio de forsa, ideias e capacidade pa muda es país mas katem oportunidade de da se contributo pamodi es arena kes ta txoma de stadu sa dominado pa um grupinho q ta julga ser dono de tudo e ta fazi o q es bem entendi. Bu ta pos na poder na speransa ma realidade ta muda mas na fim bu ta recebe desprezo e arrogância. Mas povo e juventude dja kumesa abre odju. N sa ta odja es país sima um barril de pólvora undi q fogo sta na mon de jovens.

Juventude sa sufri calado mas um dia ses força ta ser xintidu na tudu kantu de planeta e mundo ta sabi kuze q sa passa ku nos terra. N tem fé ma um dia força de juventude ta vence. Nos arma é nos voz"