tudu atenson ê poku pa ka kai na kontu di es vigarista ki ta apruveita di bondadi di kada un
Atenson Lisboa
KONTU DI VIGÁRIO…
Ki manda es alerta ê Lenizy Correia, joven rezidenti na Portugal ki ta konta modi ki ê kai nun ‘kontu di vigário” armadu pa un kabu-verdiano na Portugal.
“ N kré dexa un avizu prinsipalmenti pa minis ki sta na Portugal. Storia ê siginti:
Na mes d’Outubro d’anu pasadu na kaminhu di trabadju N kontra na Lisboa ku un kabu-verdianu ta txora ta flan ma ê resebi un xamada ta flal ma si fidju morri na Cabo Verde dipos di un asidenti di karru y ma pur isu ê tinha ki bai Cabo Verde urjenti pa enterru.
Ê kontan inda ma ê bai aeroporto rezerva lugar pa kel dia mei-dia mas ma sta falta-ba el 50 euro pa kompleta dinheru di pasaji.
Dinheru ê fla ma ê ka mutu tinha pamodi ê gasta kuazi tudu ku tratamentu di si fidju na Cabo Verde y ma ti si kaza e pinhora pa odja si ê ta traze-ba si fidju pa tratamentu na Portugal .
Ómi kontan es stória di un forma ton maguadu ta txora ranhu ta sai ki mi N txora djunto k’ol ta pensa na nha mai ku nhas irmon… N bai labanta 50 euro pan dal pa djudal bai enterra si fidju.
Onti na papia ku un nha amigo ê kontan mesmu storia.
Ê flan ma ê da es omi 100 euro y ma inda ê dal buleia na carro ti aeroporto di Lisboa ... Mas minis inda nhos k’obi tudu:
Oji na bai trabadju na estason di Alges N torna kontra ku es ómi. Kre e ka lembra di mi pamodi ê torna kontan mesmu stória, mesmu xoraminga, mesmu kantiga, mesmu bla-bla …Dan raiba ki so mi ki sabi.
Pur isu, minis, tudu atenson ê poku pa ka kai na kontu di es vigarista ki ta apruveita di bondadi di kada un pa toma algen dinheru”.
Sima ta fladu na Portugal , Quem aviza amigo é… fonte:ok
KONTU DI VIGÁRIO…
Ki manda es alerta ê Lenizy Correia, joven rezidenti na Portugal ki ta konta modi ki ê kai nun ‘kontu di vigário” armadu pa un kabu-verdiano na Portugal.
“ N kré dexa un avizu prinsipalmenti pa minis ki sta na Portugal. Storia ê siginti:
Na mes d’Outubro d’anu pasadu na kaminhu di trabadju N kontra na Lisboa ku un kabu-verdianu ta txora ta flan ma ê resebi un xamada ta flal ma si fidju morri na Cabo Verde dipos di un asidenti di karru y ma pur isu ê tinha ki bai Cabo Verde urjenti pa enterru.
Ê kontan inda ma ê bai aeroporto rezerva lugar pa kel dia mei-dia mas ma sta falta-ba el 50 euro pa kompleta dinheru di pasaji.
Dinheru ê fla ma ê ka mutu tinha pamodi ê gasta kuazi tudu ku tratamentu di si fidju na Cabo Verde y ma ti si kaza e pinhora pa odja si ê ta traze-ba si fidju pa tratamentu na Portugal .
Ómi kontan es stória di un forma ton maguadu ta txora ranhu ta sai ki mi N txora djunto k’ol ta pensa na nha mai ku nhas irmon… N bai labanta 50 euro pan dal pa djudal bai enterra si fidju.
Onti na papia ku un nha amigo ê kontan mesmu storia.
Ê flan ma ê da es omi 100 euro y ma inda ê dal buleia na carro ti aeroporto di Lisboa ... Mas minis inda nhos k’obi tudu:
Oji na bai trabadju na estason di Alges N torna kontra ku es ómi. Kre e ka lembra di mi pamodi ê torna kontan mesmu stória, mesmu xoraminga, mesmu kantiga, mesmu bla-bla …Dan raiba ki so mi ki sabi.
Pur isu, minis, tudu atenson ê poku pa ka kai na kontu di es vigarista ki ta apruveita di bondadi di kada un pa toma algen dinheru”.
Sima ta fladu na Portugal , Quem aviza amigo é… fonte:ok
COMMENTS