USA: Fidja di ex-prezidenti di Camara di Brava sta-ba sob efeitu di droga...

Camiille Balla tra si mai odju y ê pos nun kaxa di papelon…

Kuze ki ta leba algen a fazi un kuza di kel li?
Kel ki ê pergunta ki sta faze-du na Florida dipos di divulgadu “detalhes” makabru di forma komu Camille Balla, di 32 anu di idadi, mata si mai Francisca Monteiro Balla na noti di kinta pa sesta-fera na ses kaza na Royal Palm Beach, na Florida.

Camille Balla, fidja Orlando Balla (ex-edil di Camara di Brava) Camille dja foi formalmenti akuzada di mata si mai di 55 anu di idadi. Di akordu ku polisia dipos di kumeti es krimi Camille liga pa un si kolega di trabadju ta pidi pa ajuda .

Foi es kolega di trabadju ki liga pa polisia, polisia kuandu txiga la atxa Camille xintadu na rua kubertu di sangi ta fla ma e sta mesti ajuda pamodi e mata si mai ... Na garajen polisia diskubri korpu di Francisca banhadu na sangi…A alguns metros di distansia sta-ba si 2 odju nun kaxa di papelon.
Polisia ta akredita ma Camille tra odjos si di mai dipos di matal ku fragmentos di vidro ( relatório polisial ta fla ma korpu di Francisca tinha txeu korti na kabesa, na mon, na petu, na barriga y na perna).
Pa alen di korpu di Francisca y di vidro kebradu polisia inda atxa na garajen alguns notas skritu a mó ku mensajens religiozu relasionadu “ ku purifikason di alma”.

Camille tinha també kortis na mo y antis di ê lebadu pa séla ê resebi tratamentu na ospital... Di akordu ku si deklarason na polisia nes noti ê fuma-ba marijuana misturadu ku “Flakka” y PCP ( drogas sintétikus ki ta pruvoka riason violentu na kenha ki ta uza-s)

P’ra já autoridadis inda ka avansa ninhun informason sobri motivo di es krimi. Camille komparesi segunda-fera na Tribunal (foto) mas komu ê kumesa ta grita juiza suspendi audison y manda faze-l un avaliason mental.
Ê kontinua prezu sen direito a fiansa. fonte:ok