VBG sa ta afeta i tantu nos sosiedadi, konxi storia di Vitoria

"Mi é un poeta sunhador i atento na kusas ki ta afeta sasiedadi en geral, N ta uza nhas puemas pa djuda na sensibilizason"

Vitoria

Vitoria era bendedera anbulanti
Tudu palmanhan
é ta poi banhera na kabesa
Y se fidju pa dianti
Tudu si freges bira si kumadri
El era mas ki rabidanti
Mudjer di fibra ki nunka dipendi d'omi

E ta luta pa si tres pur dia
Pe iduka se fidju
Dje skesi di se ultimu noti d'amor
Korpu teni dor mas se alma sta bibu
Xeiu d'amor

24 di dizenbru di 2017
Vitoria nega fasi makiagen
E fla ma nunka é fasel pamodi luxu
Mas sim pel paga markas di soku
Na tudu kaza ki'e txiga es ta fasel mesmu purgunta
Ku se ki pasa ku bo nha kumadri
Vitoria kansadu des vida
E disidi dinunsia si maridu

Amor é ka si
Keli é uniku kusa ki'e konsigi fla-l
Antis di un golpi di faka ki foi fatal
Ses fidju pikinoti sisti tudu
Sertamenti keli é si pior Natal
Sen se mai ki senpri amal
Amor é ka si...
Amor é ka si...
Es gritu di dizisperu fika gravadu na kuatu paredi
Y na mimoria di tudu kenha ki ta sufri di violensia...

"Dinunsia"

Gil berto