Caboverdiana vítima de asedio-sexual na rede social...

Algun dia dja bu foi vítima ?

Asedio sexual na facebook

Vitimas geralmenti ê mudjer mas ten també kazu di omi ki ta fla ma es ta xinti “asediadu” pa mudjeris na facebook.

Asédio sexual sempri izisti mas ku xigada di redi sosial ê torna mutu + fásil...

Milena di Santiagu pur izemplu ki denunsia es kazu y manda es “chat” ta fla ma ê sta xinti verdaderaramenti “pirsiguidu” pa un “apaixonadu” na facebook ki inda ta fazel prupostas indisenti .

... Prublema ê ki Milena fla ma ê ten “si mos” y es insisténsia di es si “fan” sta straga-l si relasionamentu. ..Kazu ta torna + gravi pamodi sima bu podi odja es si “fan” ta uza si prufison, si dinheru y si puzison na sosiedadi pa ê tra purbetu di Milena.

Asédio sexual na rede sosial sima tudu tipu d’asédio sexual ê també un krimi... Bu podi fla ma konbersu ê “konsentidu” pamodi ê mudjer ki sta seta pamodi ê ten puder di blokia pesoas na fabebook, mas kazu ê ka simplis si...

Konsentimentu ê pa papia dentu ruspetu y non pa ser konkistadu ou pa resebi prupostas indisenti. Ê aliaz ku es argumentu ki txeu Tribunal na mundu dja kondena omi y dja obrigaz a kompensa mudjer finanseramenti pamodi pa alén di danu moral y psikologiku, asédio inda kauzaz danu sexual y e abalaz ses relasionamentu ( namoru ou kazamentu).

Di forma ki ê importanti sabi undi ki ta termina un konbersu normal y ta kumesa asedio sexual... Envio na chat di imagens sexual ki ta viola intimidadi podi també ser kriminalizadu komu un “acto obsceno”. Nes kazu kulpadu podi ser kondenadu ti un anu di kadeia ou obrigadu a paga un multa.

Di kualker forma, midjor forma di evita es predadoris ê blokiaz ou dexa di ser ses amigo na facebook ( Tambe bu podi denunsiaz y altera bu difinison di privasidadi).
Si bo ê menor d’idadi kumunika bu + grandi ( mai ku pai). fonte:ok

Dexa bu opinion sobre isso... Bu opinion ê inportanti.