França: Konxi inpresionanti stória di es kabu-verdiana ki sta tranforma merkadu global di teknologia...

Beth Moreno ê Prezidenti/Diretora Geral di Lenovo France

Dipos di pasa 5 anu komu diretora kumersial di Lenovo na Europa ki djuda transforma es empreza multinasional xibez na primeru fabrikanti y distribuidor mundial di komputador pesoal , Elisabeth Moreno foi promovidu anu pasadu a Prezidenti/Diretora Geral di sukursal di Lenovo na França ( Lenovo France) undi ê ta kumanda un ekipa di uns 250 ezekutivos tudu enpenhadus na konsolida puzison di es grupo informátiku na merkadu di tablets, desktops, smarphones, periféricos, impressoras, armazenamentu, jogos eletrónikos, etc.

Dona di un vizon emprezarial extraordinário, Elisabeth Moreno ê ruspetada non so komu un di kes grandi “kabésa” na mundu di negósio , mas també komu un izemplu di susesu fimininu nun mundu di Alta Teckologia ki kontinua duminadu pa ómi ( Elisabeth ê duplamenti vitozioza pamodi pa alén di ser mudjer ê un préta ki “ben di nada”)

“NUNKA N’KA TA SUNHABA “
Si ki Beth ta fla : Ma na Cabo Verde undi ki ê nasi nunka ê ta sunhaba ma un dia e ta txigaba a topu di kumandu y mutu menus sirbi komu un izenplu di inspirason.

Si storia ê ka mutu vulgar.
Kuandu ê txiga França ku si mai ku pai na final di anos 70 ka foi pur un kiston di eskolha, mas sin pur un kiston di sobrevivénsia ( sobrevivénsia di si irman + pikinoti ki sufreba un kemadura gravi na Cabo Verde y ki dipos di txiga Paris pasa 2 anu internadu na hospital) ... Foi na adolescénsia ki Elisabeth ta fla ma ê kumesa ta moma konsénsia ma era el ki tinha ki djuda si familia, tantu + ki si mai ku pai nen lé ka sabia.. . Pur isu ki ê ta fla ma ê planifika tudu si vida nes sentido ( pa djuda si familia mas també pa ser feliz)

Lisensiada na Direito emprezarial na Universiadde de Paris ku pos-graduason na Negosio Internacional y un MBA di ezekutiva na Alemanha, Elisabeth Moreno kumesa si karrera komu jurista nun gabite di advogados na Paris. Na 1977 ê bai pa France Telecom undi ê foi responsavel di vendas y 3 anos dipos ê muda pa Dell France komu diretora kumersial . Dipos di pasa algun tempu na Marrocos ta trabadja pa Dell ê volta pa França komu dirtora estratéjika di DELL na Eiropa. Foi na Dell ki xinezis di Lenovo bai buskal pa fazi parti di Lenovo Global Leadership Team.
Segredu di si susesu?
Elisabeth ta fla ma segredu ê auto-konfiansa di ka ter medu di korri risku. fonte:ok