Cabo Verde e U.Europeia: 8 mil tonelada di pexi pur ano pa 750 mil euro

Keli é novo kontratu di peska entri Cabo Verde y Union Europeia

Kontratu  sinadu semana pasadu y di akordu  ku un nota online  di Kumison Europeia ê  válidu pa 5 anu y ê ta da luz verdi a barkus  di Spanha , di Portugal y di França  pa  piska anualmenti  8 mil tonelada di atum y “espécies afins” na mar di Cabo Verde...  Komu kontrapartida Cabo Verde ta resebi  750 mil euros pur ano ( kuazi 83 mil kontu) sendu 38  mil  kontu  destinadu pa prumovi peska sustentável na Cabo Verde.

Es novu akordu  ta entra en vigor logu ki  for konkluidu  tudu prosedimentu  legal  y ta substitui  atual akordu ki ta termina na fin di es anu...Komparativamenti a  a atual akordu  ki sta en vigor desdi 2014 es novu prototokolu  ta proporsiona Cabo Verde  + uns 200 mil euros pur anu  mas també ê ta aumenta  + kuantidadi di  atum  ki  armadoris europeus podi piska na Cabo Verde ( di 5 pa 8 mil tonelada pur anu)

Pa  Ulisses Correia e Silva es  novu akordu ta difendi interesi nasional di Cabo Verde  y ê ta garanti sustentabilidadi  di nos indústria di peska “bem como o desenvolvimento das nossas comunidades piscátorias”  sima ê skrebi es segunda-fera na si pagina di facebook,  un opinion  ki sertamenti  ka  meresi konsensu já ki pa alén  di fraku kontrapartida finanseru  ( serka di 10$00 pa kada kilu di atum) pa alen di fraku  kontrapartida finanseru  prezensa di  frota  di europa ta “pobrisi” mar di Cabo Verde ku klaru prejuiz pa nos “pobris” piskadoris  ki ka ten kapasidadi di kompiti na altu mar ku  piskadoris europeus  ki  txeu bes ta apruveita di falta di fiskalizason pa  ultrapasa limiti di kaptura ou piska  piska otu tipu di pexi ki ka sta na akordu .

Kuantu a dezenvolbimentu di  nos industria di peska ,  akordu ku Europa també  ka ta mutu djuda pamodi tudu pexi  ki europeus ta piska ta bai pa merkadu europeu  undi ê ta bendedu  mutu + karu , ku un klaru prejuiz pa merkadu internu.

( 750 mil euros pa 8 mil tonlada =   93.7  euros pa  tonelada  = 0.93 sentimu pa kilu = 10$24 kilu ) fonte:ok