Tem mudjer ki gosta di sufre na mo di homi...??

Sera ki bu sa gosta disso, sera ki é um adrenalida ki ta fazeu xinte viva...

Tem mudjer ki gosta di sufre na mo di homi

Nka sta li pa bem kritika ou disvaloriza mudjer. Simplismente nhos toma es nha opinion komu um observason kim faze.

Oras kin ta pergunta si tem mudjer ki gosta di sufre na mo di home, nka sa refire a tudo mudjer. Nem nka sa fla ma realmente es gosta disso. Mas é um interogason pa alerta mudjer ki ta reclama di um relacionamento mas es ta kontinua la.

Imagina, bu sta vive ku um alguem ki ta tratau mal, ki ka ta dau atenson, ki ka ta tratau sima um mudjer deve ser tratada, bu ta manxe ta reclama. Bu ta konta bus amigas modi ki bu ta sufre ku bu relacionamento, ma bu ka sa aguenta mais. Mas mesmo assim bu ta kontinua la, kuze ki sa prendeu la, pamodi bu ka ta toma um atitude pa muda isso? Bu ta aceita traison y falta di atenson? Sera ki vive deprimida y ta txora na kantu ta fazeu bem? 

Sera ki bu sa gosta disso, sera ki é um adrenalida ki ta fazeu xinte viva. Ki ta dau assunto pa bu fala ku bus amigas. Kada dia um motivo. Ou sera ki bu tem sperança ma bu companhero podi muda y ser kel principe ki bu apaixona pa el?

Bu devi tem bus motivos neh? Sera ki bus motivos é maior ki bu felicidade? 

Ka bu xinte aconchegado ku mal. Bu tem sempre escolhas. Si bu ta manxe ta reclama di bu relason, y si bu odja ma ka tem soluson pa midjora, bu pode sempre sai y procura vive ku otu alguem ki podi fazeu xinte bem.

Faze es mensagem txiga na tudu mudjer. Nta spera odja nhos opinion na comentário.