Entrevista: Ritchaz: "Mi é kapaz de comunica sem palavra" Ritchaz , fidju cabuverdianu, nanse na Portugal, é kumesa ta gosta ...
Ritchaz, fidju cabuverdianu, nanse na Portugal, é kumesa ta gosta de musicas caboverdianos por influencia de se pais, ainda criança é ta obiba melodias de cabo verde na si casa, y musica sempre aconpanhal. Dje pertenci a un banda de reggae, mas na momentu é sa prepara si primeru album asolo, y é tem sonho de apresental na Cabo Verde.
EP inda ka ten titulo, mas é fla ma "kela nsta dexa pa dia ki nxinta ku tudo masterizadu, ta obi di numeru um ti ki finda, la goh ki nomi ta saim quasi poetikamenti wapu"
le entrevista
Kal ke bu relason ku batuku?
nha rilaçon ku batuku comesa des di mininesa, ki nha mai mas ta obiba na tempo casseti. nha pai dja ta obia tudo tipo di musica seja cabo-verdiano ou nau. Dipos, di uns anos pa li ndjunta ku grupo di musica tradicional di cabo-verde ki txoma Raboita. Desdi la, nsai na demonstra nhas composiçons di batuku ku funaná pa tudo alguem li na portugal
Para alem de batuku y funana bu ta canta otu generu?
Ntoca 2 ano ku um banda di reggae, por tanto nta sprimenta reggae ou cusas mas acústico di vez enquanto na nhas musicas. mi eh produtor tambe, i dja nfazi quizomba, pop, hiphop, etc, pa alguns artistas
Flanu istrumentus ki bu ta toka, y kal ki é bu preferido?
Nta toca guitarra clássica, guitarra electrico, guitarra baixo electrico, e teclados. nha preferido eh kel ki primero ncunsa toca, i tambe kel ke basi di nhas composisons, guitarra clássica
Tem caboverdiano ki ta nansi na estrangeru y ki ka ta tem contacto ku kultura de cv, kuze ki bu ta pensa disso?
Min nasci li na lisboa me. nha mai ku nha pai ki pon obi musicas di cv des kin nasci. mi nta fazi musica tradicional di cv, mas eh ka so, nta vivi cultura di cv pamodi si ki nfoi criado. nhas pais eh di engenhu grandi, la fora, undi trapitxi ku monda ta fazi parti, mi dja npodi fla ma prumeru bes ki nbai cv, dja nconxeba el so di obi fladu, a cerca di otus jovens ki nasci na europa ou merka, tem kes ki ka ta liga cultura di cv txeu pamodi simplismenti sis pais dicidi ka insiri cultura cv dentu casa. tem pais ki ta fazel por um keston di pratica, pa sis fidju adapta bem na scola ku cultura undi es sa ta vivi. eh normal. ago tem otus ki nta pensa ma ta kre abandona cultura di sis raiz, pamodi kel inferiorizason ki ta existe na africa em geral, i ku comunidadis pobris. nsta flau di cusas ke di psicologia social. normalmente, kenha ki sai di um paiz pobri, pa um rico, ta abrasa cultura di rico pa abandona cultura di pobri na pensa atinge um certo subida na estatura social...
Africanos tenel txeu. ka so na cultura musical ou alimentar... mas tambe na forma di biste, papia ou mesmo aspecto fisiologico
o ki em certos potos nu podi considera di doença kkkk pamodi di qualquer manera, um imigrason ta involvi violência psicológico. i asvez kel violência la podi ser mas forti num pessoa di ki otu. mas, kela eh otu assunto ahahah
Bu atxa ma nos base cultural muda txeu? y kuze ki bu ta pensa des mudansa?
Basi cultural stan ma muda na tudu mundo. pamodi globalizaçon ku es kusas di net. tudo alguém sta mas perto. mi nconxi merkanos ku ses cusas sem nunca nbai merka, sim musica di cv sta ganha txeu ramificason i influência. cusa normal. diferença ki mas nta oia, eh ki músicos di gossi ka ta toca cusas acústicos. sta tudo na basi di computador. mi mé ncunsa ku computador, mas ndicidi cedu na pega na viola i prendi otus melodias i acordis. por isso ta stan ma hoxi musica tem muito influencia di computador. tudo mas batida, sem txeu variason melódico ou dinâmico. mas, nta kre acredita mas es tempus eh um fazi ki na futuro ta inriqueci nos musicalidade ainda mas. junson di experiêcias i conhecimento ta da na kela
Flanu bus referencias na musica?
Nta obi txeu cusa. di cv ku fora cv. cusas antigo moda Tubaroes, Bulimundo, João Cirilho, pilon, code di dona, nha mimita perera, gil semedo, beto dias, Zeca e Zeze di nha Reinalda, Kino Cabral, Livity, Splash... di fora cv nta obi mas um munti moda Jimi Hendrix, antonio variações, os Deolinda, Matisyahu, Michael Jackson, Alicya Keys... etc. tudo ta influencian! mas ntem txeu ligason musical ku musicas di Orlando Pantera, Txeka i Vadu
Modi ki sa a ser processo de gravason de bu EP?
Sta ser ku tudo calma. como tambe ntem otus trabadjus, como investigador etnomusicólogo pa um universidadi di li na Portugal i produtor musical, nta sta ocupadona asvez, mas, maioria di composisons ki nsta apresenta na ep, eh musicas ki dja ndura ku es gravadu na gaveta, i mi, ku tempo ta bai, nba ta xinti mas vontade di divulgas i tambe partilha nhas storias i messagi ki nos gentis. di la npodi flau ma tem tempo ki dja nsabi ma mas tardi ou mas cedu ntinha ki grava um trabadju so dimeu. i stan ma ka ta ser ultimo trabadjo ki nta faze pamodi composisons guardado sta txeu eheheh
Splicano kal ki é tarefas de un investigador etnomusicólogo?
Nsta ku nha equipa dentu di um bairro na pereferias di lisboa. Na kel bairro la, comunidade ki ta vivi la eh maioria imigrantes. principalmente caboverdianos (nta pensa ma maioria eh di santiago ku santo antão). Na kel comunidade di imigrantes i pessoas ki nasci la, nu ta regista ku filmagi, gravason i entrevistas, musicas ki es ta obi, es ta canta, es ta fazi. tudo. Objectivo di etnomusicolgia na nos caso eh sabi influencia di musica nes sociedadi em particular, i rilason ki kel sociedadi la tem ku resto di mundo através di musica. Na fim, nu kre fazi um documentário em filme pa partilha li na Portugal, i nu kre kria um site ku imagens, áudio i textos di kel ki nu consigui raporta
Bu atxa ma musica é capaz de muda mentalidade de pessoas?
Sim. claro ki sim. Nta pensa ma mesmo musica sem letra, so instrumental ou batida ta poi alguém entra num estado di spirito. hora ki 2 alguém sta na kel mesmo estado di spirito, nu podi fla ma es sa ta comunica sem abri boca. Tem munti alguém ki obi nha batuku sem percebi nada ki nsta fla, ta bira pa mi, ta fla ma gosta sem manha. si sem palavras bu sta comunica ku mundo, ntom ku palavras ou messagi ki alguém ta intendi, bu sta dal tudo, seja consedju, seja storia, kel aguem tem ki rifleti sobri bus palavras. eh um cusa humano i normal tambe
Kuse ki pessoas pode spera de bu EP?
Musica di alma, letras simples i ku um olhar interventivo tambe. musicalmente eh ferrinho ku txabeta ta dan brio.
veja também: Ritchaz lança "Pa Libra-m"
COMMENTS