"Rikeza eh um cuza k ca sta canta pa el, y nunca nfazi musica pensando na dinhero, apesar ke dinhero k ta fazel txeu dispesas mas em fim, eh ta da pa sobrivive
Will Semedo lança Album "Di Corpo e Alma"
Novo album de Willy Semedo dja sta na mercado, nu fala ku Will pa sabi midjor sobre es novo album, "Willy semedo eh rapazinho k bem d um familia pobre, kriadu pa avos, um jovem k cria quase sozinho e musica era sempre nha compania", é fla me gostaba d barulho desdi puto
Will tevi un infacia solitario, y quandu nu pertuntal si hoje é continua ta ser kel pessoa ki gosta de sta sozinho, é responde "Agora N muda derivado a vida kim ta leba, mas de vez enquando ta chinti vontad sta miso, quando nsta na fazi algo sobre musica ou algo d genero"
Sobri novo album Willy contanu ma: "é nha segundo album, ndal nome de "Di corpo e alma" pamodi eh um album kim dedica di corpo e alma pa trabadja na el, mi propi ki produzi y tem algum tema k amigos produzi tambem, cima Maicam, Gilson, Capszona, mas sima ncaba d fla es album ndedica nel txeu, ca foi sima nha primero disco, ke produzido pa varios produtores, keli ndedica mi mesmu, não so pa ser midjor, mas sim pam mostra nhas produxao y nhas stylo d trabadju", eh um disco k ta trazi kizomba e funana, y eh tem 14 faixa musical, ta conta ku participason di Beto Duarte, Gilson Furtado y Satthy.
Willy fla ma maioria di musicas ta retrata si propi storia, "cuza k djan passal ca um vez nem dos, y nkria tral pa fora", alguns temas ta fala de relason entre homi y mudjer, Will ta fla ma homis ka pode sta sempre ta magua mudjer, pamod mudjer eh nos mai, mudjer eh nos irma y mudjer eh nos conpanheira, em fim mudjer eh mudjer, es merece o maximo d atenção y tudo ki sta a nos alcance.
Willy nansi na Assomada, mas é ten un amor grandi pa Picos, foi la ki é vive parti di si vida, y é ta fla ma festa senhor di mundu ta indentifical txeu " nta lembra puto sempre ta spera pa kel festa txiga pamodi era kel festa k mas familias ta rodiaba tinha natal pascoa entre outros festa mas picos senhor d mundo era maior"
Kantu nu perguntal si dipos di primeru album, da pa fika rico? y si é possivel vive de musica, fala disso?
é respondi: "Rikeza eh um cuza k ca sta canta pa el, y nunca nfazi musica pensando na dinhero, apesar ke dinhero k ta fazel txeu dispesas mas em fim, eh ta da pa sobrivive, apenas ku venda di CD é dificel di consigui dinheru pa contrui otu, agora nu ta tenta ganha ku shows, pamodi pirataria, internet hoje em dia sa dificulta txeu venda d CD ou DVD"
"Ngosta d canta sobre amor"
"Nta spera kim consigue y kim ta bem consigue trazi mas musicas d agrado pa pessoas k gosta d musica e principalmenti fãs d willy semedo"
Semedo fla ma pa lança un album ta kusta txeu dinheru, mas ma kel album li ka sail muitu carru pamodi el ki produzi, mas ma normalmente um pessoa ki ka ta produzi ta gasta mas txeu, y ma pa paga na fabrica ma preçu podi vario, segundo willy "Uns 1000 copia pode fika volta de 1500 euro 1500 copia pode bai 2000€ isso depende d fabricas tambem"
ainda é ta acrescenta ma: "Hoje em dia si bu dexa CD la na loja pa alguem obiu eh dificil, ki pode cumpra eh alguns fans, mas kes fans propi di coraxao, musica na youtube ami nta atxa ma ta fazi txiga oubido d alguem cu mas rapides y pode tem acesso mas rapido, y ma podi ganha alguns trokinhus"
Agora falanu pa bo kuze ke musica?
"Musica é alegria, é magia, é um cuza ki ca sabi splica, nunca nca ta discreve musica, nca sabi usa kel palavra kim ta cre spressa pa define musica, el eh construido pa um objecto mas el eh apenas um som k nca ta podi tocal, so npode chintil dento mi, musica eh nha maior compania"
Pa termina Willy Semedo dexa mensagem pa tudu fans: "Pes continua ta seguim, ta companhan na nhas caminhada mesmo que for d longe, é kel simplis mensagem d ses cu carinho k ta dam mas força d continua ta inviste na trazi a ses ouvido algo d ses agrado e nta continha ta luta de corpo e alma pa es, um grande abraço a tudo seguidores e um special abraço pa tudo fãs"
Ouvir o album "Di Corpo e Alma" de Willy Semedo
COMMENTS