Familia na Merka ki perdi tudu na incêndio dividi prenda ku krianças di Cabo Verde

Na principio es fica dizanimadu, dezesperadu sen sabi kuzé ta fazi. So ki cidade mobiliza en pézu y es recebi ajuda y donativos di tudu ladu.

Familia na Merka ki perdi tudu na incêndio dividi prenda ku krianças di Cabo Verde
NATAL SOLIDÁRIO...
Na verdade es familia di origem cabo-verdiano antecipa es espirito solidario ki ta marca época di Natal pamodi prenda dja es manda dja pa entrega crianças pobres na Cabo Verde.
Djara ku si marido Raymond Hampton y si 3 fidjus menor sta vivi temporáriamenti na un karavana ( rezidencia móvel) pamodi ses caza na cidade di Raynham, na estado di Massachusetts, ses caza ki es kumpra pega lumi es mes di Novembro y es perdi tudu na incándio ( fornu ki fika cezu, era por volta di 2 hora di madrugada. Es cazal so tevi tempu di pega ses 3 fidju y sai ta korri).

Na principio es fica dizanimadu, dezesperadu sen sabi kuzé ta fazi. So ki cidade mobiliza en pézu y es recebi ajuda y donativos di tudu ladu. Hotel undi es podu na principio fika sen kau di poi + ropa ku sapatos y ses carro fika sen kau di poi brinquedos.
Foi enton ki es tevi es ideia di partilha prendas ku crianças di otu ladu di Atlantico. Es embala y es manda maioria di ropas y brinquedos pa crianças desfavorecidos di Cabo Verde ki es fla ma sima tudu crianças mereci també passa un Natal feliz.

Storia ta termina li, mas es lison di fraternidade ta mostra ma na es mundo nos tudu nu mesti ajuda. Ma també nos tudu nu podi ajuda. Rico ku pobre ku ramediadu. Y ora ki nu ta djuda, ora ki nu ta ser solidário, mesmu si é pa alguen ki sta longi y sima na cazu di es familia , ora ki nu sta djuda otu alguen ê tambe nos cabeça ki nu sta engrandece pamodi nu sta assumi nos lugar na mundo y nos lugar na stória. Nu sta dexa di ser “vitima” so ta “txora” ta lamenta vida pa nu odja dia di manhan ku + speransa, ku + certéza. Nu ta fika mutu, mutu + rico.
Ėpor isso ki nu ta dexa un “Thank You” pa Djara ku Raymond y també pa ses mininus ki passa dia y noti ta djuda embala “encomenda” pa manda pa CV. God Bless. fonte;OK