Modelo cabo-verdiana ki ganha konkursu di tv na Italia foi objeto di insultos y racismo

Logu dipos di Romina Gomes ser eleita es sexta-fera como “Madre Natura 2016” nun konkursu di beleza di TV italiano kumesa ta “txobi” na rede social insultos racistas kontra es kriola di Boavista

Modelo cabo-verdiana ki ganha konkursu di tv na Italia objeto di insultos y racismo
ECCO ITALIA...
Kenha ki ta komprendi “vecchia Itália”?
Logu dipos di Romina Gomes ser eleita es sexta-fera como “Madre Natura 2016” nun konkursu di beleza di TV italiano kumesa ta “txobi” na rede social insultos racistas kontra es kriola di Boavista ki ku si beleza “tipicamenti africana” konquista jury y publico di prugrama “ Ciao Darwin”.
Na facebook tevi alguén ki txomal macaca, “ un mudjer bruta ku pé sima pata di aranha, ku cabelu moda floresta, un mudjer abominável, un monstro ...”
Otus txomal “anoréxia” pa trosa di si pezu y tevi alguen ki posta foto di arvore na fb pa ridiculariza si cabelo.
A es insultos racistas Romina ten riagidu ku ironia y humor, a-final pake preocupa ku preconceitos di pessoas ignorantis ? Tambe e ten recebidu centenas di mensagens di apoio tantu di cabo-verdianos como di italianos ki ta repudia es kumentarios racistas y ta konsidera ma vitoria foi merecida.

“Madre Natura” Romina Mosso Morais Gomes ten 27 ano. E naci na CV mas dja dura ki ê sta vivi ku si mai Milano undi ê ta trabadja como modelo. Dja ê reprezenta marcas famozus moda Benetton, Moschino y Bulgari. Ê ta passa si tempu entre sesons di fotografia y desfiles internacional . Si eleison como “Madre Natura” tornal konxidu na Italia interu. fonte:ok