USA: Kumunidadi perdi 2 fidju es fin de semana....

na sidadi di Pawtucket

Maria Eduarda Batista, mais konxida pa Duca di Totchi, morri es sabado na hospital vitima di derrame cerebral….Duca era natural di Brava mas dja tinha uns 30 anu ta vivi na Merka undi djuntu ku si marido Totchi era dona de mersiaria “ Flor di Brava” na sidadi di Pawtucket.

Konsiderada un mudjer mansa, meiga y trabadjadera, Duca antis dja venseba un cancer mas na fin e ka rizisti a es AVC ki danifikal parti di cerebro. Ê dexa maridu ku 5 fidju.

Kenha ki també perdi vida es sabado nes mesmu sidadi di Pawtucket é Marcelino Barros, un joven kriolu di 20 anos di idade.
Marcelino foi asasinadu a tiro pur volta di uma y meia di madrugada na porta di si kaza na sidadi di Pawtucket. Un si primo di 23 anos tambe foi atingidu mas ê ka sta korri prigu di vida …. Presumivel autor di disparos dja foi prezu: Ê Cedric Da Lomba, un otu joven també di origen cabo-verdiano ki konxeba Marcelino desdi mininu.

Marcelino era fidju di bravense Casimiro de Barros ki morri na pasadu dia 30 di Outubro ku 85 anos di idadi.. Pessoas ki konxeba Marcelino ta fla ma si vida era scola, trabadju y boxe... Marcelino foi 3 bes Luvas di Oru pa New England y era tidu komu un joven prumesa di pugilismo na estado di Rhode Island. Fonte:ok