Video: Ze Pikenu na stadja si mensagens di forma ke sabi... Literatura Marginal, A luta kontinua, Kondenadu di tera y txeu otus temas sta presente nes video
Ze Pikenu: "Mi Zé Pikenu, n’labanta n’atxa ta fladu ma mi e fidju fora, pur isu nfika kustumadu ku fika di fora. Ku 18 anu nbá Praia studa, es flan bá fora y es kori ku mi ku um tiru boka bedju. Pur isu ndisidi vivi na nha fora di sempri y pa sempri. Na 2013, ku 21 anu, nvolta Tarrafal ku nha diploma dentu mo, mas boka mangui fla ma nbai Praia, man da so pa dodu man ka studa, y pur isu man bem inkadja li mangui.
Boka mangui sempri frusta si juventude, pur isu na 2014 nbai tropa na Murru Branku y di la nsai 2º kabu di pulisia militar, dipos di 3 mês ta korri txada ku rotxa, banhu na mar sedu/tardi/noti/madrugada, y munti kuzas kin flau bu ka ta intendi si nunka bu bai la. Mas grasas a Diós nsai di la ku vida. Ntxiga Praia super frustadu, npodu la Txada Matu, n’atxa munti tropa híper frustadu. Ndisidi logu ma kel kin tinha pan prendi na tropa ma djan kaba prendi. Dipos di três mês nvolta pa nha fora di sempri y mas um bez pa sempri.
Na mangui fladu man ka aguenta tropa, otus fla ma min tem boka bedju, pur isu nkoredu kol di tropa, mas Zé di Tutu sabi modi y pamodi kin bem, nhos divia purguntaba el. Di 2014 pa li, vida na Tarrafal ka foi mantega, e ka atoa ki um dia e txomadu terra di morti lenta. Mas dias sakrifikadu kin passa baxu Munti Kara, priparan pan luta na dirota, dirota, dirota, ti dia di vitoria final. Npasa mal tamanhu, mas sima nha manu fla kela na pretu e ka nada.
Sima Marito di Andreza kanta, «nka tem kau di bai, n’nasi li, nta vivi li, y oras kin morri, li kin ta interadu, y bu ta bai sisti funeral y bu ta odja ma kel alguen ki bu fala mal del, ma dja bai…». Korda ta rabenta pa ladu di mas fraku. Nunka nu foi binifisiadu ku um pulitika kultural, sima ki nu ka izisti, y nu sta sujeitu a trosa mangui. Nbá Praia es flan pan bá fora, nben Tarrafal es flan li e pa kenha ki bem di fora. Trosa sta kuazi ta kaba, y des vez o ki korda ta rabenta, ka podi ser pa ladu di mas fraku. Txeka li goh!"
comenta
Boka mangui sempri frusta si juventude, pur isu na 2014 nbai tropa na Murru Branku y di la nsai 2º kabu di pulisia militar, dipos di 3 mês ta korri txada ku rotxa, banhu na mar sedu/tardi/noti/madrugada, y munti kuzas kin flau bu ka ta intendi si nunka bu bai la. Mas grasas a Diós nsai di la ku vida. Ntxiga Praia super frustadu, npodu la Txada Matu, n’atxa munti tropa híper frustadu. Ndisidi logu ma kel kin tinha pan prendi na tropa ma djan kaba prendi. Dipos di três mês nvolta pa nha fora di sempri y mas um bez pa sempri.
Na mangui fladu man ka aguenta tropa, otus fla ma min tem boka bedju, pur isu nkoredu kol di tropa, mas Zé di Tutu sabi modi y pamodi kin bem, nhos divia purguntaba el. Di 2014 pa li, vida na Tarrafal ka foi mantega, e ka atoa ki um dia e txomadu terra di morti lenta. Mas dias sakrifikadu kin passa baxu Munti Kara, priparan pan luta na dirota, dirota, dirota, ti dia di vitoria final. Npasa mal tamanhu, mas sima nha manu fla kela na pretu e ka nada.
Sima Marito di Andreza kanta, «nka tem kau di bai, n’nasi li, nta vivi li, y oras kin morri, li kin ta interadu, y bu ta bai sisti funeral y bu ta odja ma kel alguen ki bu fala mal del, ma dja bai…». Korda ta rabenta pa ladu di mas fraku. Nunka nu foi binifisiadu ku um pulitika kultural, sima ki nu ka izisti, y nu sta sujeitu a trosa mangui. Nbá Praia es flan pan bá fora, nben Tarrafal es flan li e pa kenha ki bem di fora. Trosa sta kuazi ta kaba, y des vez o ki korda ta rabenta, ka podi ser pa ladu di mas fraku. Txeka li goh!"
comenta
COMMENTS