Vitimas di dizastri di asistensia enterradu nun vala kumun na semiterio di Praia na segunda-fera 21 di Febreru di 1949. Nes lugar nen un flor di finadu pa lembra es tragédia.
69 anus atras + di 250 pesoas na Praia morri bafazu na “Dizastri d’Asistensia”
MAIORIA ERA KRIANSAS…
Ê ka ta enxinadu na skola mas ê sen duvida kel maior tragédia ki kontisi na storia di Cabo Verde (tirandu fomi).
Foi na dia 20 di Febreru di 1949, na reskaldu di un di kes krizi di fomi + mortiferu di Cabo Verde ( so na 1946 fomi mata uns 30 mil almas). Pa tenta rasgata vida serka di 2.500 pesoas tudu dia ta djuntaba nun barrakon na Praia pa resebi “sopa d’asistensia”
Na dia domingo 20 di Febreru di 1949, pur volta di meio-dia, maioria di indijentis dja tomaba ses sopa y felizmenti dj'es tinha idu embora …
Ki inda sta-ba baxu teto di barraka era prinsipalmenti kriansas ki tinha undi bai y adultos sen forsa pa anda…De rependi seu bira sukuru y bentu kumesa ta sopra ku tudu forsa. Dipos obidu un barudju surdu … Era un paredi mal-fetu di 7 metru di altura y 40 di kumbrimentu ki ben baxu . Na keda ê bafa sentenas di pesoas inda sta-ba la ... Imagina kriansas feridus ta grita di dor, bedjus ku osu kebradu…mortos.
Na kazinha morti logu kontadu 232 mortos mas baxu di eskombru inda sta-ba entudjadu txeu pesoas (fikadu sen sabi izatu izatu kantu pesoas ki morri di mesmu forma ki fikadu sen sabi kuze ki foi kauza di dizastri). Di kualker forma stéria ta regista + di 250 motos y uns 50 feridos.
Ten alguen kit a fla ma es pesoas ka morri pamodi paredi kai… Es morri pamodi mizéria….Es morri pamodi regime kolonial nunka di facto ka priokupa ku rabati fidju di Cabo Verde na kes mumentu + difisil.
Dizastri di Asistensia di facto ta difini un governo ..
Governo portuges ki pa alen di rekuza ajuda ( Ministro di Colonia ta manda-ba cabo-verdianos ba piska) pa alen di rekuza ajuda governo portuges sinikamenti sukundi mortandadi di odju di mundo..
Numero izatu di kabu-verdianos ki morri di fomi nunka ka ta sabedu. Pesoas ta more-ba “moda gurdjudju” y txeu enterradu bibu na bala, sima na bala tambe enterradu es inosentis di asistensia ki morri sima es vivi ( squesedu y invizivel) fonte:ok
MAIORIA ERA KRIANSAS…
Ê ka ta enxinadu na skola mas ê sen duvida kel maior tragédia ki kontisi na storia di Cabo Verde (tirandu fomi).
Foi na dia 20 di Febreru di 1949, na reskaldu di un di kes krizi di fomi + mortiferu di Cabo Verde ( so na 1946 fomi mata uns 30 mil almas). Pa tenta rasgata vida serka di 2.500 pesoas tudu dia ta djuntaba nun barrakon na Praia pa resebi “sopa d’asistensia”
Na dia domingo 20 di Febreru di 1949, pur volta di meio-dia, maioria di indijentis dja tomaba ses sopa y felizmenti dj'es tinha idu embora …
Ki inda sta-ba baxu teto di barraka era prinsipalmenti kriansas ki tinha undi bai y adultos sen forsa pa anda…De rependi seu bira sukuru y bentu kumesa ta sopra ku tudu forsa. Dipos obidu un barudju surdu … Era un paredi mal-fetu di 7 metru di altura y 40 di kumbrimentu ki ben baxu . Na keda ê bafa sentenas di pesoas inda sta-ba la ... Imagina kriansas feridus ta grita di dor, bedjus ku osu kebradu…mortos.
Na kazinha morti logu kontadu 232 mortos mas baxu di eskombru inda sta-ba entudjadu txeu pesoas (fikadu sen sabi izatu izatu kantu pesoas ki morri di mesmu forma ki fikadu sen sabi kuze ki foi kauza di dizastri). Di kualker forma stéria ta regista + di 250 motos y uns 50 feridos.
Ten alguen kit a fla ma es pesoas ka morri pamodi paredi kai… Es morri pamodi mizéria….Es morri pamodi regime kolonial nunka di facto ka priokupa ku rabati fidju di Cabo Verde na kes mumentu + difisil.
Dizastri di Asistensia di facto ta difini un governo ..
Governo portuges ki pa alen di rekuza ajuda ( Ministro di Colonia ta manda-ba cabo-verdianos ba piska) pa alen di rekuza ajuda governo portuges sinikamenti sukundi mortandadi di odju di mundo..
Numero izatu di kabu-verdianos ki morri di fomi nunka ka ta sabedu. Pesoas ta more-ba “moda gurdjudju” y txeu enterradu bibu na bala, sima na bala tambe enterradu es inosentis di asistensia ki morri sima es vivi ( squesedu y invizivel) fonte:ok
COMMENTS