Angela fla me foi obrigada a conta mintira sob ameaça di morte...

Dezabafu di Angela, sobre kazu di el ku Sony

Angela, jovem di Assomada, ki  hoje sa odja si nome ta ser exposto na rede social, na um audio ki sa circula pa tudu mundu.

é ta dezabafa me sa passa pa segundo pior momentu di si vida, si na primeru é foi agradida pa si ex companheiro konhecidu pa Sony, hoje é ta volta a xinte tudu ta volta nes onda di escandalo ki sa kontice na rede social, é fla me sa xinte vergonha.

Um audio ki segundu Angela é foi obrigada a conta mentira. "Nada di kela ka kontice, so ki mi é obrigam a fala pamodi sempre é ta sta diskunfiadu di mi" - dezabafa Angela, é fla me staba na kuzinha ta faze janta ma Sony tranka porta, dipos é liga esquentador pa kenta agu, é panha feru liza é liga, pistola, maxim, faka y mais um kuza sima lanceta,... "Antis di gravason é fika ta flan tudu kuza kin podi fla agradadu a el, é fla ma nha morte é kel dia, ma si nka fla u ke kre pam fla me ta matam"

Angela ta fla ma Sony tinha pistola, maxin, faca y otus meio di ameaça.

Na dia 24 di Setembro di 2016 Angela apresenta queixa contra Sony, na kel tempo es txomadu pa presta depoimento y  caso bai pa tribunal, mas di la pa li nada ka resolve.

Nes semana, quarta feira, es jovem volta pa esquadra di policia pa denuncia u fatu di audio sta na rede social, Policia fla ma djes sabi disso y ma es tinha duvida si era el, ja ki dje kustuma fazi keixa sobre es assunto.

Mai di Angela ta pide justiça, pamodi ses familia sa sufre ku es acontecimento, ma si filha é ka di sta exposto na sociedade, y ma kuza ki sa kontice hoje é triste y ta dexal sofridu.

Angela hoje tem um fidju frutu di relacionamento di el ku Sony, pai di fidju rekuza regista si fidju y nuka é ka tem contatu kol.