USA: Prokuradoria sta pidi prizon perpetua pa Caboverdiano akuzadu di provoka morti di si fidju di 10 anu

Kumesa na Merka julgamentu di pai kabu-verdianu akuzadu di provoka morti di si fidju-femia di 10 anu

Prokuradoria sta pidi prizon perpetua pa jorge de pina…

Jorge de Pina sta na kadeia desdi 2013, akuzadu di mata na sidadi di Pawtucket si fidju-fémia Aleida Cristiane de Pina ki morri ku 10 anu na dia 03 di Julho logu dipos di si pai lebal ospital… Relatório médiku ta fla ma korpu di Aleida tinha aranhons y markas di kemadura y foi determinadu ma kauza di morti foi perfurason intestinal.

Julgamento de Jorge de Pina kumesa es segunda-fera na sidadi di Providence y logu na deklarason inisial prokurador di justisa pidi prizon perpétua sen posibilidadi di sai pa es imigranti kabu-verdiano tambe konxidu pa “Manti” ( Manti Fixi) pamodi na ses opinion Aleida morri vitima di abuzu inflingidu pa si propi pai na ses kaza na Pawtucket undi es fla atxadu imajens di kamara ki ta dukumenta es abuzu….
Pa prokuradoria Jorge de Pina transforma vida di Aleida nun “pezadelu” y es fla ma es sta dispostu a prova es alegason duranti es julgamentu ki sta meresi algun atenson di “médias” na Merka.
Aleida ta viveba na Cabo Verde mas na 2011 ê pasa ta vivi ku si pain a Merka. Prokuradoris ta fla ma ‘sonho amerikanu” di Aleida de Pina transforma nun inferno.

DIFEZA STA FLA MA KA FOI ABUZU KI PRUVOKA MORTI DI ALEIDA…
Embora advogados di difeza ka sta disputa es alegadus abuzus, es ta fla nu entantu ma ka foi es “abuzus” ki finalmenti kauza morti di Aleida ( Advogados ta fla ma foi “otu kuza”, sima un keda di bisikleta). Na 2014 ( foto) Jorge de Pina deklara-ba non kulpadu ( not guilty) pa krimis ki ê sta akuzadu ki ta bai di abuzu infantil a krimi di krueldadi. fonte:ok