TACV dja sta privatizadu...

Kompanhia Pasa pa Mó Di Islandeses...

Sinatura di kontratu di kompra y venda foi es sesta-fera na Praia mas tior di kontratu ka divulgadu nen ka fladu kantu ki emprezários islandezis di Icelandair da pa kumpra 51% di TACV .... Úniku serteza ê ki TACV Cabo Verde Airlines dexa di ser di stadu di Cabo Verde y Ulisses Correia e Silva garanti ma kes otu 49% tambe ta ben bendededu ( 10% pa trabadjadoris di ex-TACV y restanti 39% ta podu pa bendi na bolsa de valores)

Privatizason di TACV ta marka fin di un longu kaminhada di es kompanhia aréa ki duranti + di 60 anu kunpanha imigrason kabu-verdiana y ki també foi fundamental na konstruson di unidadi y dizenvolvimentu nasional atraves di ligason inter-ilhas. ..Si “morti” ê sertamenti motivu di pezar pa txeu cabo-verdianos spadjadu na mundo, embora Ulisses Correia e Silva fla ma si benda ê motivu di alegria ...Si ê pa fika tristi ou kontenti so futuro ê ki ta ben fla, mas pra já dezaparesimentu di kompanhia di bandera ta demostra un inkapasidadi kroniku di Cabo Verde na geri si emprezas estratégikus.

Pa alén di muda di donu TACV Cabo Verde Airlines posivelmenti e ta ben muda di nomi pa Lofleidir Cabo Verde, un empreza kontroladu pa Icelandair. fonte:ok