Fogo: Koperanti Italianu Atxadu Mortu na Si Rezidénsia...

Fogo / São Filipe

E David Solazzo, enginheru agrónomo di 31 anu d’idadi, natural di Florença, na sentru di Itália.

David atxadu sen vida es kuarta-fera di parmanhan dentu di kaza di banhu di si apartamentu na Lém de Baixo, na sidadi di S.Filipe.

Enbora ofisialmenti inda ka fladu nen kauza nen sirkustansia di es morti, tudu ta indika ma foi rezultadu di un fatal asidenti ku ferimentus di vidru kuandu es joven italiano, na tentiva di abri porta di entrada di si prêdio na madrugada di kuarta-fera, ê kebra un vidru na ladu di porta... Vidru kauzal ferimentus na brasu y provavelmenti e perdi txeu sangi y ê kaba pa morri vítima de hemorragia...Ê sta regresaba di festas di Nhu S.Filipe na Presidio dipos di janta y ê konfraterniza ku amigos.

Dipos di Angola David sta trabadjaba na Fogo desdi Novembro di anu pasadu undi ê sta kordenaba prujetu turistiku “Rotas do Fogo” a servisu di un ONG italiano (COSPE) ki ta rekordal komu un amigu y prufesional “sério e apaixonado pa si trabadju ”. Na Fogo si mison dja staba na fin y e ta regresaba pa Italia na prinsipio di es mes di Maio.

Enbora ê vivi poku tenpu na Fogo, pa kumentarios na rede sosial es joven italianu dexa txeu amigos nes ilha ki ta lamenta es perda y ta lenbra del komu un joven alegri ki gostaba di si trabadju y di djuda kumunidadi.

Li ta fika mensagen di un si amigu y kolaborador :
"Eu tive a oportunidade e o privilégio de trabalhar com David Solazzo. De todas as suas qualidades, há duas que me chamaram a atenção. Amor pelo que ele fez e uma vontade irrestrita de alcançar o bem comum. Neste momento de dor, minha profunda tristeza pela família enlutada e pelo povo italiano e, em particular, pela ONG italiana Cospe, que perdeu um grande colaborador. Um homem com um coração do tamanho do mundo. Que a terra seja luz para você, querido amigo. " fonte:ok