"Na próxima "azágua" nu ta torna bem lamenta as desgraças da chuva, mas djuda kes coitados na "tempo seco" não"

Vale pena reflete sobre es texto

Várias personalidades sa uza rede social pa opina sobre último txuba ki kai na Cabo Verde, sobretudu na cidade da Praia ki dexa vários danus

Nu ta traze li um texto de Isaías Cardoso, ki nu atxa super interessante pa nu reflete sobre el...

E... na próxima "azágua" nu ta torna bem lamenta as desgraças da chuva, mas djuda kes coitados na "tempo seco" não. Que nu gosta eh sai na varanda de nós mansão e filma txeia tá corri na rubera ta leba vidas, kes doz padaz de palete e a miséria de kes q nada ka tem. "Meus pêsames" ka ta cura dor; mas nós bondade, nós preocupação podi djuda alguém a suporta isso. Kes q nada ka tem podia tem, pelo menos, um braco casa, mas nem isso. Kre fazedu só praças e campo jogo. Quer dizer, de dia nu ta xinta na praça, djuga bola, de noti nu ta bai durmi na barraca ou baixo ponte. Cada um ta continua ta vivi se dramas te dia de bai ou de odja alguém querido ta bai por causa de silêncio de homens de poder e voz. Tanto dinheiro gasto na kusas sem valor e pobres ta padeci na ses miséria.

Alguém fla "ninguém pode livrar o homem da dor, mas será bendito aquele que fizer renascer nele a coragem de a poder suportar".

Ku tantas desgraças de és mundo, te ainda nu ka aprendi nada sobre a irmandade e empatia.

Deus ta guarda, cuida e abriga ses fidjus... e kes que pode fazê alguma coisa e ka ta fazel, também pagará por isso 😢

Por: Isaías Cardoso