um storia real e mi é autora di quel storia.
"Ami é di praia mas nes momento nsta vivi na Boa Vista, ncre fala acerca de (MACUMBA) (FEITIÇARIA),
É o seguinte queli é um storia real e mi é autora di quel storia. Há alguns anos ntinha um namorado Quim gostava tcheu del, aí no dana aliás, el Dana ku mim nka fica sabi nfala quel tcheu bes pa no volta mas el Ka kis. Ami era dodo na el, Nha último alternativa foi BAI CASA CORDA.
Nunca npensa ma quela era verdade mas nbai na um último esperança de recupera quel Nha grande amor, aí npidi informações de alguém Quim sabi ma ta frequenta ques cau e nbai npidi homem (MACUMBERO) pa odja si mi KU Kel mós no ta volta, é odja é fla ma no cata volta mas ma mos dja ranja outro alguém, nflal man ncre pé fazem trabadjo pa mós volta pa mi, então el cobran 60 mil escudo pa faze quel trabadjo, ndal quel dinheiro e el faze quel trabadjo.
Na dia que el fazel, el flan el dan um garrafa com um água preto sujo e depois el flan man Ka podi entra casa banho ku Kel garrafa e okin txiga casa pan poi num garrafa particular, 7grao di sal, 7grao di arroz, 7pitada sal, 7gota mel e ntinha Ki poi 4perfumes diferente, 91gota do kada frasco e pan panha um pouco di areia di um cau Ki tá passa txeu alguém mesmo el flan tipo frente di um centro comercial ou algum sítio Quim sabi ma tá passa txeu alguém aí pan dispija Kel agu preto dentro Kel garrafa Ki tem kes kusas tudo, nka podia pol au kontrario, tipo poi kes kusas dentro di agu preto, então nfasi kela ntinha ki okin kaba toma banho passa Kel ramedi na Nha korpo e nka podia limpal ntinha Ki dexa seca dipos pan bisti, el dan também um papel tudo scrito, tudo dobrado Kin tinha Ki pol baxo di um pedra bem pisado mesmo home flan má kela tá bem poi Kel mos tá pensa só na mi, el dan oto Kin Ka konsigui odja, pamodi staba enrolado na fita adesiva preta, pan poi na Nha kuarto, dentro di paredi pan tapa, el flan kela é pá oki el volta pa bó pé Ka bai embora mas, me ta Fika só lá.
Aí nfasi tudo Kel ke flan, nsabi má mais aumenos passado uns 5dia di homem realiza trabalho Kel mós procuram, mandam mensagem tá pergunta si sta tudo dreto ku mi mo Kin sta. etc. Quando quela contici nfika spantado pamodi dja fazeba quase 3mes quel mós Ka fala ku mi e na início Ki no sipara te blokian el blokian, dipos na kela passado mas 2dia staba uns 2h madrugada ndurmici, meu nxinti sima Ki algum cusa entra na mi nkorda spantado e nka konsigui durmi mas, nkomeca tá Fika cu medo pamodi nta morava mi só na quarto lugado, dipos dimanha nliga pa homi nkontal , é flan me Ka nada mas mi nsabi ma era algo errado, nunka na vida nxiti kela dipos nkomeca pesquisa sobre AMARRAÇÃO AMOROSA E SINTOMAS quando mi odja mo qui tá funciona ndesanima pamodi tá fla má Kel alguém tá fica amarrado na mi mo katxor me tá pensa 24h na mi , me tá crê sta só ku mi , me tá passa tá odja pessoas na rua é tá odja Nha rosto na pessoas tá pensa me mi , me tá fica tá sunha ku mi e muito mais coisas Ki sim fla é tcheu fogo.
Nfica mesmo mal mas nkria el ku mim nka mesti nem fla serca di uns 15dia quel mós volta ku mi e quando el volta nfica tá perguntal se el ranja alguém e el flan tudo Kel Ki MACUMBERO flaba mi , me staba kum mínina etc etc lá mi odja má SATANÁS EXISTE MESMO quela dan medo mi odja mós carinhoso Dimas fora normal pamodi mi namorava kuel durante 4ano dipos no sipara nsabi tudo si jeito tratam e di ser e mi odja me staba fora normal, el staba mesmo embruxado , feitico dja kaiba na el 😭e mi disesperada ku tudo Kel Kin lê e Kin sta odjaba na el meu ami npensa si SATANÁS EXISTE DEUS TAMBÉM EXISTE , então mi resolve bai igreja nfala ku pastor tudo Kin fasi e di lá mi entrega Nha vida a Deus mas quel kaminhada foi longo mi comeca tá sunha só mariado , man sta matadu , má sta Kai di rotxa , man atropelado, man sta dentro di água podre ku alguém mortos, munti kusas mesmo tudo dia nsunha durante um ano e tal Nha psicológico staba mesmo mal mas nka dizisti tudo dia mi pidi DEUS pá kebra Kel feitiso.
Minis Keli Ka kusa di brincadeira não , npanha depressão nfica mal psicologicamente pamodi mi sabi man faze um kusa errado , pior nka podia flaba el nada , ntinha medo me podi fazem algo mi nkumeca tá perdi memória , el também e el komeca tá sunha só merdas também , ami tá durmi sempre tá obi kampainha di casa tá toca nta labanta nkata atxa ninguém, Alves mós djunto ku mi tá durmi el tá flan me Ka obi nada ... oto cusa oki no tá fazeba amor dje txiga di flan má Nha carne é sabi Keli nunka na vida el Ka flaba mi nossa mi KU medo pamodi Djan odja claro má satanás Ki staba lá .
Passado um tempo nkumeca repara má tá contici txeu imprevistos contratempos atrazos e txeu problemas principalmente a nível di dinheiro pamas Ki nos 2no trabadja sempre fica tá contici cusas Ki no era obrigado gasta Kel dinheiro no tá ficava sem nada problemas des di carro straga, máquina roupa, tilifonis, fogon, tudo sta aconteceba e mi dentro mi nka podia fLal má mi ki traze Kel azar tudo pa dento kasa.
Só nta orava nta pidi DEUS pá djudan passado 2ano djunto no briga el bai embora ami nfica filiz mi agradeci Deus pamodi el bai di si livri vontade ami ngostava txeu del mas mi nta prefiria fica sem el duk ku el na Kel situação amarrado então el bai leva alguns roupas el fica 6dias fora casa e mi nka txomal de repente alguém ligan di hospital má Nha marido sta enternado pamodi sta ku problema psikikos tá obi voz e etc meu dipos nbai atxal pamodi dan pena del nsabia má kela era tudo pamodi sena Kin fazi nka kria larga el na mundo si satanás sta frontal di Kel manera lá aí kuando el staba lá nflal oki el sai di hospital pé bai pá Nha kasa el flan ma kes voz na si kabeca sta fLal uns tá fla pe bem outro tá fla pé Ka bem quando el midjora el bem ku mi pá casa mas um vez no staba djunto no fica djunto mas um ano ami sempre tá ora tá pidi DEUS até Ki um dia el bai divez mesmo mas mi nsabi má mi Ka kre sta kuel mas dja passa um ano mi ntem Nha alguém mas nsabi má mi KU mós Inda nu sta amarrado pamodi mi tá visita si perfil sempre assim nta sta normal do nada tá dan xintido na el mas mi nsabi mán Ka gosta del e tão pouco ncre volta kuel mas nós pensamentos sta preso na companheiro nta xinti isso pamodi ntem Nha cumpanheiro Ki é um alguém Kin gosta txeu e mi kata xinti nada pá mós mas é sima Ki na mundo espiritual Inda no sta amarrado e outra coisa quel mós nta odjal sima Ki si vida discamba alguém tá flan del má dja contici Keli kela kuel ami tá dan pena pamodi mi ki permite tudo kela el sta akumpanhado pá dimonios Ki dja dominal si mente di tal maneira Ki nem el kata odja na brako Kel sta isto pamodi dipos di mi odja má el sta ku vida disgracado ntxomal e nkontal kuse Kin fasi nflal man fasel Korda guentis el fla má nada kata pega na el e mi nsabi má pega derivado tudo Kel Ki kontici kuel e ku mi agora ael nflal pé entrega si vida a Deus pamodi undi DEUS tá abita SATANÁS kata sta ami Nha vida entrega a Deus e goci Nha vida muda mas dicel não e pior ek el sta moda tcheuuu alguém Ki kata acredita ma MACUMBA EXISTE ou tá existe só pá kenha Ki tá acredita minis mi kata akreditaba até dia Kin odja ku Nha odjo e nxitil na peli então só pan fla MACUMBA EXISTE SIM e quela é cusas di satanás ami hoje nta pidi tudo alguém que lê quel texto li pá tem atencon pamodi mim é um alguém Ki jamais alguém tá fla man bai casa corda Nha aparência kata FLA kela mas Nha koracon staba dominado pá satanás e nfasel cuidado ku kes Ki tá ri na bu frente pamodi maldade sta na um cau Ki bu odjo kata alcanca pá odja.....HOJE NTA SIRBI DEUS🙏
Nhos disculpan texto cumprido mas nem metade nka konta mas. Nta spera má tá sirbi pá nhos odja realidadi di mundo, tudo Kel Ki falado ma tem, tem mesmo"
COMMENTS